قصة فراج بن ريفه القحطاني مع نيله

السلاااااااام عليكم ورحمة الله وبركاته


يالله تحي قصر راعين التراث

اليوم طاري علي نسدح هالقصه الى ان شاء الله تحوز على رضاكم واستحسانكم

وهالقصه تبين ان الشخص ماينخدع بمظهر الشخص الاخر ولا يحكم من الظاهر والشكل

ومثل ماهو معروف ان الرجال مخابر ولا هي مظاهر

مثل مايقول الشاعر :

الفرخ لا يغريك في صفة الريـش***طير الحبارى يا اريش العين قرناس


والقصه هي ان كان فيه حرمه تسمع عن شهرة وشجاعه فراج بن ريفه القحطاني واسم هالحرمه نيله

وكان وده انه تشوفك يافراج ومن شده حرصها على ذلك حطة جائزة بكره من ابلها للي يمكنها من شوفته

وفي يوم من الايام جاء فراج ضيف على جماعة نيله

وجاء واحد من عيال الحي وراح لنيله وقال لو مكنتك من شوفة فراج بن ريفه وش الله عطاني منك قالت: ابد انا على

شرطي ولك البكره وعلمها انه ضيف عند البيت الى بضيفتهم فراج

وراحة المره كنها تدور لها شي وهي ماودها الى بشوفة فراج

ويوم شافته ماجازلها لانه رجال اسمر ومن اوسط الرجال في طوله

وهي كانت حاطها في بالها انه رجال طويل واحمر اعطر

فضاق صدرها وطقتها الحسوفه على هالبكره الى راحة على شوفته

وتسرب الخبر في الحي الين وصل فراج بن ريفه وراح نشد عن بيت نيله وراح لها تحت اعين الناس

ويوم قابلها قال هاالابيات


سـلـم علـى نـيـلـه بـوسـط الجماعـه *** فـأن الـسـلام الجرز مافيه منقـود

يـالـيـتـهـا معنا على الـهـجـن سـاعه *** حتى تعذر وجيهنا لاغـدت سـود

في الليل نسري مثل راعي زراعه *** وباليوم تلفحنا السمايم على القود

حـتى تـمـيـز مـن صـبـي الـشـجـاعـه *** وتشوف اللي كنه السدو ممدود

وتـشـوف خـبـل حـرفته فـي مـتاعـه *** لايـقـضـي اللازم ولاهوب مفقود

وتـشـوف صـمـال بـتـوع ذراعـه *** مـثـل الـفـهد يأتي من الصيد بـضمود

وسلااااامتكم

عايش سالم البلوي
الله يعطيك العافية على اتحافنا بهذه القصة والقصيدة الرائعة
واعتقد ان توجد قصة وقصيدة مشابهه للفارس شليويح العطاوي
شكرا لك ودمت بخير

القصيدة محل جدال واعتقد انها كما اشار الشاعر / زيدان البلوي تنسب للشاعر الفارس شليويح العطاوي