قصيده: للضغط والسكـــر وبعض البلاوي

00(هذه قصيدة الوصفه :للضغط والسكر وبعض البلاوي)00
لقيت وصفه ماتعلق بدكتور=للضغط والسكر وبعض البلاوي
لقيتها صدفه وانا أللف وادور=بالبر ماهي في كتاب النواوي
كشفتها والعلم بين ومنشور=لعل منها يستفيد الشقاوي
حتى يجي للطب مبدأ ودستور=ويعرف دليله دون بحث وشكاوي
ويصير لي في عالم الطب مقدور=ويقال لي هذا طبيبا مداوي
بعدك عن اللي شوفهم يلهد الزور=اكبار البطون مدحرجين المكاوي
اعراض المتون اللي بها يشبع الثور=اللي مراجلهم بصرف الحكاوي
اللي الى جو بالمجالس غدت زور=صجه ولجه في نفاق اوشاوي
عليك في خائع من الوسم ممطور=يرتاح به قلبا من الهم حاوي
ريح النداء متخالطا ورد وزهور=وللصيد بانواعه مقر وحراوي
ولجت طيور الصبح مع شعت النور= تزيل همك لواكبار الصداوي
ودله على جمرا من السمر مزبور=تسوى لها ياناس تسعين ساوي
وبعده تسج الرجل مع كل دعثور=برضا بها يرتاح قلب العناوي
وتكشف خفايا الارض مع كل ناظور=وتشوف بالارض الوسيعه خفاوي
تلقى العجائب بين حيدان وصخور=تنبيك عن قدرت جزيل العطاوي
واطلق عنان النفس في مشي وعبور=ترويض لوبالوقت كاويك كاوي
واليا وطاك الوقت حاذور حاذور=تطلب من المخلوق عاجز وقاوي
لاتطلب الا معطي النور والحور=اللي على خلقه رقيب وشفاوي
واليا جلست بمجلسا فيه محشور=يصبح عليك الهم والغم ضاوي
سج القدم بالارض ساعات وشهور= وخلك على راس الطويله ضراوي
تلقى بها الغزلان والصيد وصقور=وتلقى بها ذيبا من الجوع عاوي
وتلقى بها عشبا على الارض منثور=وعليك في خوة بعيد الهقاوي
خوة رجال الطيب والعرف والشور= وعن خوة الانذال خلك خلاوي
والعبد في دنياه منهي ومامور=ولابه حديث مصححا دون راوي
والرزق عند الله مهيا وميسور=وماينقفل باب الكريم الرجاوي
والضغط والسكر اليا صرت مسرور=ماله عليك وعنك مقفي وداوي
هذا علاج لكل عله ومخبور=قاله مجرب في جميع الدعاوي
قلت وانا ماني على القول مجبور=وقولا بلا فعلا عيارا سماوي
وراع الستيره دائم الدوم مستور=ولاتنفع الرجال كثر المناوي
واليا عزمت الراي لاتصير مطيور=شد الخطاء ياذيب لاتصير شاوي
وبعض العرب يسوى ثلاثين طابور= اليا اعتزاء تسمع صميل العزاوي
حطه على يمناك والعفن مثبور= بالقيض والا في نهار الشتاوي
وذهن ترافق بالمخاليق مغرور=تراه مهما صار يصبح دناوي
والسر لاتبديه مع كل دنقور=يقطعك لوانك بحيدا علاوي
00 وسلامتكـــــــــــــــــم00

ابوعـــــــــــــاطف
صح لسانك
دائمن مبدع

يعطيك العافيه على هذه الرائعه

تحياتي

=عليك في خوّت بعيد الهقاوي=قصيده جزله وهي في غنا ء عن اعترافي كروعة وعذوبة شاعرها وشاعرنا الذي نفخربه ابقاك الله وادامه ايهاالجزل =الشاعر عبد الكريم الصويدر\ارجوالسموحه لعدم المامي في كتابةبعض الحروف والنت عموماّ=لاعدمناك

=محبك اخوك حمود حامد الوابصي

ابو عاطف

صح لسانك وسلم بنانك

دمت بهذا الشموخ ايها المبدع

تحيااتي لك

محمد الرموثي,,

شاعرنا الكبير لعل مااكتبه يصلك = لاعدمنا وجودك=

ابوعـــــــــــــاطف
صح لسانك
دائمن مبدع

يعطيك العافيه على هذه الرائعه

تحياتي

0