قصيده في زيادة الرواتب

الراس صاير فيـه ورشـة حـداده= قام يتحلل فيه مسمـار ...مسمـار

قلت الركـاده ميـر ويـن الركـاده= كنّي مع الحجاج في رمي الاجمـار

من عقـب ماجانـا قـرار الزيـاده= من مجلس اهل الجود وافين الاشبار

كـلٍ مـن الفرحـة بيقـدح زنـاده= جبنا القروض نضارب السوق وانهار

وجينا نبي بـس الرجـا والهـواده = والله وكيلك شبّت اسعارنا .. نـاااار

والراتـب الماخـوذ جتـه القـراده= ماينزل الا..صافقه مثـل الاعصـار

فاتـورة الهاتـف وعاجـل سـداده= والقرض والكهرب وتسديد الايجـار

والتاجر المليـان جـاب الوسـاده= يبـي يوصّـل راس مالـه لمليـار

والا المواطن صار..سهل اصطيـاده= جته الهوامير بوسَط غـب الابحـار

واصبح نهار وليـل وسـط العيـاده = مابين طب الراس والقلـب وشهـار

يامـن يوصّـل كلمتـي للقـيـاده= للحاكـم المحبـوب والوالـد البـار

ماعاد نبغى فـي الرواتـب زيـاده =اللي نبيه اليوم تخفيـض الاسعـار



منقول

الشاعرغير معروف الي يعرفه يذكره

الاخ/القصير
الله يعطيك العافية والمشكلة هي ان بعض التجار الجشعين اصبحو اقوياء لانهم مدعومين من وزير التجارة الذي اصبح مع القوي ضد الضعيف ولكن العشم بالله ثم ابو متعب ينصر المواطنين مثل عادتة...
أمل قبول مروري...

سلمت يمناك وصح لسان قايلها والله يجيب الخير

تخوك

رمـــ الشمال ـــــح

يا من يوصل كلمتي للقيادة

نعم لا نريد زيادة نريد تخفيض اسعار

شكرا للشاعر وشكر للناقل

صح لسان قايلها ويعطيك العافيه اخوي والله يجيب اللي فيه الخير
تحياتي

اخي نواف العصباني
اخي رمح الشمال
اختي بنت الجذلي
اخي عزوتي ربعي بلي
شكرا على المرور