بالمنتدى نرسل تهاني للاصحاب..

بسم الله الرحمن الرحيم

هذة القصيدة عبارة عن تهنئة بعيد الفطر المبارك....كل عام وأنتم بخير..

شغل جهازك في مكان معزولي = ابغى تصير بجو مايثير الأعصاب
أبحث عن الموقع وسجل دخولي = بالمنتدى نرسل تهاني للأصحاب
حب بهم يابعدهم ماهم حولي = بالمملكة عربان وبالخارج أنساب
واجب علينا فرض حسب الأصولي = تبقى العلاقة مستمرة يالأحباب
عيد سعيد يعيد وعمراً يطولي = وحنا الجميع بخير يارب الأرباب
يقبل عملنا والخطايا تزولي = يفتح لنا الريان للجنة أبواب
بيومن يطب الناس خوف وذهولي = مد الصراط تمر ناس بالأحساب
هل من مزيد النار تصرخ تقولي= ساعة تمنى يصير الكافر تراب
الأدمي مسكين دايم عجولي = الله كريم ومن ترجاة ماخاب
خل الأمل بلله موقف رجولي = من رحمتة بالعبد يفرح ليا تاب
خلق جميع الناس وأرضاً ذلولي= رافع سما بدون عمدان واطناب
بعث محمد خير رحمة رسولي= ودستورنا القرأن مابعدة كتاب
صلوا معي بلله ياأهل العقولي =على نبياً حارب الكفر وأحزاب

عوافي يالشاعر المبدع
أبيات تشكر عليها بصراحة
,,,
وكل عام وأنت بخير وصحة وعافية

صح اللسانك
وكل عام وانت بخير

الاخ الشاعر ناصر بن سالم
السلام عليك ورحمة الله وبركاته وكل عام وانت بخير
قصيدة رائعه من انسان رايع ومبدع بيض الله وجهك

لك ودي واحترامي
اخوك / مشعل الحارثي

عيديه ثمينه ورائعه

اشكر الشاعر ناصر على هذه الهديه وكل عاااااام والجميع بخير وعااااافيه

تحيااااتي وتقديري

صح لسانك شاعرنا ناصر على هالأبيات ............