ماذنبنا الذي اقترفناه

بسم الله الرحمن الرحيم
السلام عليكم ورحمة الله وبركاته
اود ان اوصل صوتي للمسؤلين عن الموظفين في جميع الدوائر الحكوميه وخاصه البنوك اللي مالها فرع نسائي....وبالذات سامبا....لقد حصل معي موقف ...صباح الأمس ...اللي هو يوم الثلاثاء الموافق 17/12
المهم ابغى افتح لي حساب في البنك والدي مريض ولايستطيع الذهاب معي للبنك اعطاني بطاقته ..واخذت معي اخواني اثنين للبنك واحد عمره 15والثاني 13والحمدلله ركبنا السيارة وقال اخوي لسواقنا روح سامبا المهم وقفنا عند البنك كله رجال قلت لاخوي ماني نازله انت روح سوي الأوراق واخوي الثاني يقعد عندي دخل البنك وطلع وقال تعالي فيه بنات كثير جالسات ومعاهم كروت العائله حقتهم وبطاقاتهم..المهم ..اني دخلت ...وجلست ..عندهم..البنات مااعجبوني عبايات كتف ولثام وضحك في مكان كله رجال...(قلة حيا)شوي الا جاء حارس الأمن قال ياأخواتي ايش عندكم اذا فتح حساب تفضلوا عند الموضف ..ناديت اخوي ودخلنا ودخلوا معاي هذول البنات قال لي ونفسه بطرف خشمه ايش عندك قلت ابي افتح حساب قال معاكي معرف عمره فوق العشرين قلت لا لكن معاي بطاقة ابوي ...قال لا ...المهم جاءوا البنتين عباية كتف ولثام والجوال يرن بالاغاني الصاخبه يالله صباح خير قال لهم هلا عيوني ايش عندكم قالوا فتح حساب قال ابشروا معاكم كرت العائله قالوا ايوه واعطاهم الاوراق عشان يعبوها ....عصبت وقلت ليه مولا زم معرف....غمزلهم ..وقال معرفهم الحين يجي...الحمدلله ربنا يبي يكشفه..وماخلص كلامه الاجاءت وحدة زيي لابسه عباية رأس وقفازات وحجابها كامل ومعها المعرف حقها وقالت اخوي اذا سمحت ابي افتح حساب...قال معرفك كم عمره قالت 24.... قال مافي فتح حساب اليوم تعالي بكره قالت والله يااخوي لي اربع ايام على هاذي الحاله....كل يوم بكره...قال ولدها وبعدين معك....قال اقول لك اخرج برا.....المهم طلعنا انا واخوي....لا يطردنا زيهم ..قلت له وين غرفة المدير ....والله لأقول له..للأسف المدير ماهو بمكتبه....لماذا نحن المحجبات حجاب كامل نلاقي ...هذه المعاملة...ماالذنب الذي اقترفناه....هل الحشمه اصبحت عيب...هل الحياء ...اصبح رذيلة ...ولكن لاأقول الا قاتله الله عدو الله....واحب ان اوصل رسالة له بأنه مهما عمل( يخسأ) هو وأعوانه لن نتخلى عن حجابنا مهما حصل لن استبدل عبائتي مهما كان بل والله ان اشعر ان عزتي بحجابي مهما وجدنا من صعاب ...ولكن حبذا لو اننا نختار الموظف المناسب بالمكان المناسب خصصوصا اننا بالمدينه لا يوجد لدينا فرع نسائي لسامبا وكما تعرفون ان جامعتنا الحبيبه جامعة طيبه تابعه لبنك سامبا.....

اعرف مدير مستوصف كان يجمع السلنتح بمستوصف الدوله مجمع الدشير في مركز صحي للمرضى ؟؟ وكل ماجت مراجعه طلع يستقبلها ؟؟؟ حتى يوم من الايام جاه واحد ودبغه ويسحبه قدام المرضى ويعطيه بالعقال ؟؟؟ وبعد ايام وصل مدير جديد على طول نقل مكتبه بمكان بعيد عن المدخل وماعنده تجمعات وجلسات مالها داعي .
هذا شي يرجع للتوعيه ليش نسكت على الغلط ؟؟؟؟ اي شخص يستطيع كتابت شكوى وارسالها بالفاكس الى الادره العليا

حسبنا الله الذي لا اله الاهو العلي العظيم فعلا شي يقهر مشكور اخوي على المرور والتفاعل مع الموضوع

الف شكر على القصة

المشكله اني متعامل معاة وفي يوم من الايام ودي ابيع اسهم المراعي وكان السعر مرتفع ثاني يوم يالتداول وكتبت البيع ليوم واحد ولاكن لم يتم البيع وتصلت وقالو مايمدينا نبيع قلت خلاص

المهم بعد اربع ايام الا حسابي فيه مبلغ حلو اتصلت وقلت وش المبلغ الي بحسابي قالو مبرووووووووووووووك بعنا لك الاسهم قلت بكم قالو 750 قلت الله لايسلم فيكم عرق انا كاتب يوم واحد فقط واليوم الي كتبت فيه البيع 930 قالو عاد هذا الي صار

لاكن حماد مسميني ابوي مدور الطلايب

اتصلت على الفرع لاحيأة لمن تنادي
المهم اتصلت على الفرع الرئيسي بالرياض وقلت لهم السالفه قالو متأكد قلت نعم

الشباب الي بالبنك يسوون صوره وحدة بس لطلب البيع وتبقى معاهم وتضيع بقدرت قادر

قلت انا بكر بروح لجريدة الاقتصادية ومؤسسة النقد لاكن حلوها المهم رحت ثاني يوم

المدير نفسة استقبلني وقال مر حسابك(ووجدت باقي المبلغ بالحساب)ماهو كل طير يتأكل لحمه

لاكن احسن شي بالبنك كل ماطلعت اخذ زبون

الله يكون في العون على هاذي البنوك
وبهذلتنا معها

....لماذا نحن المحجبات حجاب كامل نلاقي ...هذه المعاملة...ماالذنب الذي اقترفناه....هل الحشمه اصبحت عيب...هل الحياء ...اصبح رذيلة ...ولكن لاأقول الا قاتله الله عدو الله....واحب ان اوصل رسالة له بأنه مهما عمل( يخسأ) هو وأعوانه لن نتخلى عن حجابنا مهما حصل لن استبدل عبائتي مهما كان بل والله ان اشعر ان عزتي بحجابي مهما وجدنا من صعاب ...
.
.
اعجبني ما كتبتي ..وفعلا ًاللي اختشو ماتوا..

ولا حول ولاقوة الا بالله ..اذا كان صاحب الدار للدف ضارباً فشيمة اهل الدار من بعدة الرقص..

وكما ذكر اخي المهاجر وذكرتي وسمعنا من بعض لمدارء الذين لا يعون حجم مسوليتهم ولا مكانهم .

واحتسبي اختي ..