قصيده يوم قالو لنظام رجال

السلام عليكم ورحمة الله وبركاته

اخواني هذه القصيده وجدتها بأحد المنتديات ولا اعرف قائلها

لاكن اعجبتني وحبيت ان انقلها لكم انشاء الله تعجبكم [COLOR=DarkRed]

الا يالله عفوك لا معي بيجر ولا جوال = ولا عندي وضيفه والتجاره فاشلً فيها
ولا عندي شهاداتً ولاحرفه تسد الحال = ولا حظ كبير لا خطت الجره يقديها
جيوب الثوب تومي مادخلها من زمان ريال = بها فاتورة الكهرب ولا يمديني أقضيها
على ذيك العراوي تتعب الحادي مع الجمال = ثلاث شهور فالورشه وشهرينً مغطيها
ابيها لو تجمل يوم واجلبها على الدلال = يجيها واحدً حضه مثل حضي ويشريها
نصيت العسكريه يوم قالو لنظام رجال = وقدمت الملف وصورة متشخصً فيها
خذ الاوراق مني واحد ما عند ابوه دلال = علوم الناس واهل المعرفه والطيب مخطيها
قراها في دقيقه والتفت عجل علي وقال = شهادتك الكبيره ياولد وين انت مخفيها
هزيت الراس .. ما عندي تقال اني من البنقال = وقمت احب خشمه واطلبه الله تمشيها
رماها من يده شين الطبيعه والنباء والفال = وقال احسن تعود يم عنزاتك تعشيها
تناوشته من الكرسي وعفت الحال والترحال = وظربته بالبياله عقب بيحت شاهيها
خذوني للسجن لا ني بلا ظالم ولا محتال = مجرد واحد جا يكحل عيونه فيعميها
ويوم اني خرجت اقفيت لارض الله وسيع الجال = على بر الهواه يداوي العله ويبريها
ادور قصعة الجربوع والضب الفتي يختال = والارنب يا شقاة الروح ماحلاها وطاريها
بلا كهرب ولابيجر ولا غاز ولا جوال = قوانين الحظاره لا تبي شوفي ولا بيها

ودمتم بخير


ــــــــــــــــــــــــــــــــــــــــــــــــــ ــــــــــــــ
أحمد عبدالله البلوي

السلام عليكم ورحمة الله وبركاته

مشكور عزيزي قصيه رائعه

أحــمــد عبدالله البلــوي ...

كيبورديه .. ولا أروع لك القلب لاتحافنا بـهــا

ونطمح لمزيد من مثل هـذهـ الدرر ..

أطيب الـمُــنــى ،،

سـلـمـان الـعـــــــــــرادي

الله يعطيك العافيه
تحياتي لك

الله يعطيك العافيه

السلام عليكم ورحمة الله وبركاته

مشكورين اخواني على التعقيب

وافااااااااااااا على اللي كشت






ــــــــــــــــــــــــــــــــــــــــــــــــــ

أحمد عبدالله البلوي