الديــــــــــــــــــــــــــــــــه

ربما تكون احداث هذه القصه والتي هي المساس ببعض الاحداث التي تكون ملامسه لهذا الواقع الذي نعيشه ونعايشه هذه الايام هذا العمل اعتبره فكره ربما استطيع من خلال سردها ايصال رساله ماء الى اشخاص عده هيه قريبه لنا ارجو منكم اعطائها ولو القليل القليل من وقتكم ربما تستحق انقاش
سوف يكون الطرح على شاكلة حوار بين عدة شخصيات
وعلىعدة حلقات

اخوكم الرقيقيص
-----------------------------------------------------
الديـــــــــــــــــــــــــه

الحلقه الاولى

(داخل المنزل)

ابوناصر :ام ناصر فاطمه ام ناصر
ام ناصر:حاضر يابو ناصر حاضر حاضر سامعتك منت شايفني مشغوله في شغل البيت
جالسه احضر لك الغدا انت وولدك ناصر
ابو ناصر:الا على طاري ولدك ناصر انا لي شهر ماهو معجبني حاله ليه يا فاطمه فيه احد مزعله
ام ناصر:لا يابو ناصر ماحد مزعله بس هوه اللي مضايقه انه من يوم مأخذ الجامعه وهوه وده يشيل
عنك المسؤليه ولكن.....'
ابو ناصر :ولكن ايش يا فاطمه ؟كملي
ام ناصر:انا اقصد انه انه حاس انه عاله عليك
ابو ناصر:عاله علي فااا عليك يا ناصر هذا وهوه ولدي اللي طلعت فيه من هالدنيا يقول هالكلام
الله يسامحك الله يسامحك ياولدي
(يخرج وهوه غاضب من المنزل)


ام ناصر تلحق به
اام ناصر:يابو ناصر يا محمد وين رايح ماتبي تتغدا لا حول ولا قوة الا بالله الله يعينك
(ابو ناصر خارج المنزل يحدث نفسه وهوه يمشي)

انا من يوم ماتحايلت على التقاعد وانا احس اني خلاص ماني قادر اوري ولدي ناصر وجهي كنت اوعده بسياره وسفره عائليه وغيره وغيره ولكن وايش العمل اليد قصيره والعين بصيره ياعالم الراتب الف وخمس ميه ريال وياليته لو حده اجار الف ريال انا لازم ادورعلى عمل في احدى الشركات علشان علشان كثرة علشان من اول ماقلت علشان .
بس من يبي يوضف له رجال تجاوز عمره الستين هذا ولدي ناصر توه في العشرينات ماهو لاقي ابي انا القى شغل اااااااااه
--------------------
(في مكان اخر بالقرب من احد المحلات التجاريه يجلس ناصر وصديق طفولته خالد)
خالد :وش فيك يا ناصر منت بعاجبني منت بنا صر الاول اللي كله فرح ومرح وحيويه اللي مايسكت طول الجلسه.
ناصر:ااااه ضروف وتعدي يا خالد المهم اتركك مني ولاتشغل بالك فيني وقلي وش تشرب يابو وليد ابي اباشر عليك معي خمسة ريال ومضايقتني
خالد:دامها مضايقتك هات اثنين بارد في هالحر خلنا نبرد شوي
ناصر:ابشر يابو وليد لو مالقيت بارد اجيب لك لبن العصفور مش كدا يقولو في الافلام المصريه
(يذهب ناصرويدخل الى داخل المحل التجاري لاحضار البارد وخالد جالس خارج المحل ينتضر ه ويمر من امامه مجموعه من الشباب من بينهم عبد الرحمن احدزملاء الدراسه سابقا)

عبد الرحمن:كيفك ياخالد قصدي يا خوي الخبل""
خالد :لاحول ولا قوة الا بالله
عبد الرحمن :امش شايفين يا شباب هالورع مايرد علي السلام ولا الحال والا المضااارع
(مجموعة الشباب الي معه يضحكون)

خالد :الورع انت واللي محتمي فيهم.
احد الشباب :افااا يا ابو دحيم اظن اني سمعته غلط عليك.
عبد الرحمن :لا ياشباب خالد لساه صغير وماهومدرك الي يقوله.
خالد :الا مدرك لو ودك اعيدها عليك مره واثنين وثلاثه ياخي لمتى والحقد مالي قلبك علي وعلى ناصر ياخي اكفني شرك..
عبد الرحمن:ايوه ناصر هوه هذا مربط الفرس هوه الخبل وين القاه ودي امرغ وجه في التراب واخليه يعرف منه دحيم
احد الشباب :كفو يا دحيم قول وفعل
(ناصر يقف خلف عبد الرحمن ومعه المشروب الغازي خارج من المحل التجاري)


ناصر:يا عبد الرحمن الي ماتسويه بيدك وسوه برجلك وانت تراك مثل البالون منفوخ هواء على الفاضي واي شكت دبوس تخليك تفرقع وتفش.
عبد الرحمن:هلا بالخبل صحيح يا شباب الخبل على طاريه يلفي لودريت كن ذكرة حاجه قيمه وزينه
(الشباب اللي مع دحيم يضحكون بصوت مرتفع ممايغضب ناصر ويجعله يكسروحده من زجاجات المشروب الغازي اللي بيده)

عبد الرحمن:لا خوفتني يالخبل لا اطعني اطعني.
(يقف عبد الرحمن بالقرب جدا من ناصر ويشير الى جهة قلبه ويقول بصوت مرتفع اطعني هناويلتفت الى الشباب وهوه يضحك...ناصريصرخ بصوت مرتفع ويقوم بطعن عبد الرحمن عدة طعنات يسقط عبد الرحمن على الارض ويهرب الشباب الي معه .....)

---------------------
(يعود ابو ناصر الي المنزل)

ابوناصر:فاطمه فاطمه
ام ناصر :هلا متى وصلت
ابو ناصر :الحين انا واصل.اقول هوه ناصر وصل
ام ناصر:لاوالله يابو ناصرلسى ماوصل وقلبي من اليوم منقبض علشان تأخره.
ابو ناصر:الحين انا تعبان وابي انام لي ساعه واذا جاء ولدك صحيني لي كلام معه ابيه
ام ناصر:زين
(الباب يدق الدجرس يدق)
خالد:يابوناصر ياعم محمدياخاله فاطمه....
ابو ناصر :اللهم اجعله خير
(يفتح الباب)ابوناصر:خير ياولدي ياخالد ناصر حصله شي تكلم كلم تكلم
خالد:ياعم محمد ناصر تهاوش هووعبد الرحمن وقام ناصر وطعنه لحد ما ..........
ابو ناصر:لاتكمل لاتكمل ياولدي.
ام ناصر:ومات ومات ياويلي ياولدي ياناصر.قول انك تكذب علي ياخالد
خالد:اي نعم ياخاله مات عبد الرحمن مات وناصر الحين في الشرطه....
-------------------------

تسجيل حضور و متابعة و شكراً

[center]الرقيقيص
::
:

مبدع متالق حريف وش اقوول عنك
تمثيل ولا اروع
تسطير ولا اجمل فيه العضه الكثيره
سطرت وطرحت الشي الجميل
::
:
ابووووعااااايش

تقبل شكري ومودتي

ابنــ بطيحــانــ الجذليــ[/center]

الأخ / الـــــــــــــرقيقص

قصــــــــــة رائعـــــــــة ومثيرة ..

بإنتظـــــــــــار البقيـــــــــــــــــــة


مع خالص الشكر .

الرقيقيص

الــرائـع ،،

ذوق راقي،،

هذا ماتعودنا منك,,،

فسلمت يمينك،،

أطيب الـمُــنــى

اختيار موفق ابو عايش

شوقتنا لمتابعة احداث تبدو حقيقيه

الى الامام دائما ...