حسب طلبكم منيف وعبدالله مناحي

____________________

عبدالله مناحي
________

سلام الله على منيف واللي يسمع منيف= عدد مايركع الشيخ ويصلي صلاته
سمعناعن خبر والعرب في بادي الصيف = عن اللّي ضيّع المحزم وفيه طلقاته

_________
منيف مناحي

هلا يامرحبا والخبر روس المشاريف = وعسى سية ولدنا ما ترجح بحسناته
سمعتم عن خبر ما يا كثر السواليف = عن اللّي ضيّع المحزم وفيه فشقاته

_________
عبد الله مناحي

يدوم إلك البقى وأنت تعرف دلة الكيف = ما تصلح دلة الكيف من دون استواته
في وداي الجزل ما ادري في واد الحمض ابو ريف = لقيت الشايب اللي جنونه في عصاته

_________
منيف مناحي

انا علمتك تسوي الدله على الكيف = وذلحينه كبرت وتسوق البن ذاته
ليا مني لقيته ضربته ضرب بالسيف = ولنه مات بكره يبا يُعلن مماته

_________
عبد الله مناحي

لو ان معزب الضيف يعرف قيمة الضيف= لو انه ما لقى فراش يفرش له عباته
تبا تقراء على الجن في وسط الغضاريف= لونه مات يا منيف ما تثبت وفاته

_________
منيف مناحي

دلال الكيف مليا بغداديداً مهاديف= ومن غير الدلال المعزب حط شاته
عسى ربي يسلمك من بعض الصواديف= وراع اللحيه الطيبه يحمى اشنباته

_________
عبدالله مناحي

نا بلشان يا منيف بالحمر المراديف= عسى الله ما يخسر راع النبت بنباته
انا ادري وانت تدري وانا اعرف وانت عّريف= ما عمر العلقم المر جا سكر نباته

__________
منيف مناحي

لا تبلش يا غليم ولا فيها تكاليف= يموت الآدمي ما لحق كامل مناته
انا بنشدك عن قصة الولعة مع الليف= هذاك العام يوم الجمل تظهر لهاته

__________
عبدالله مناحي

انا ماني ببلشان والدعوى تصاريف= قبل لا يجف حبر القلم داخل دواته
هذيك الله يجيرك سواليف وخراريف= يولفها رجل عاش عمرة مع خواته

_________
منيف مناحي

مادام انكم مواليف روحوا يامواليف= انا قررت احوس الزمن والعن ثواته
كلام الحر وافي ولا يقرب من الزيف= ولكن لا تشمت ترى ماهي شماته

.
.
_______________

الله الله الله
..
أبو علي
..
وش أقول ووش أخلي ..
..
ياخي والله إنك نومستني
..
لك كل التحيه
..
تحيه خاإأإأإصه .. لمنيف

الأخوين العزيزان والشاعران الكبيران

منيف ووعبد الله مناحي

دائماً محل أنظار متابيعنكم أينما كنتم

جمهوركم متلهف لجديدكم
وانا من أشد المتابعين لمحاوراتكم ولكل
ما تطرحوه من قصائد شعريه

ابو علي لك مني كل تحيه وأحترام

هالله الله
صح لسانكـ ولسانـ شاعر الشمال
ننتظر الجديد دائـما فلا تبخل علينا

ابو علي
مشكور على نقل هذه المحاوره الجزله

واتمنى منك

المزيد من محاوراتك مع منيف

لان بعض محاوراتكم بتبوك بحثت عنها والمشكله مع انتقال مكتب الجنادريه
اكثر من مره
ضاعت اغلب الاشرطه والباقي من المحاورات القديمه بدون ارقام ويصعب معرفتها

...................

ولك محاورات كثيره وجزله بمعنى الكلمه مع منيف وغيره

ارجو منك ( وهذا طلب خاص ) تزويدنا بها

ولك محاوره بالقريات ( اللي فيها انا اخوفكم بردادي ) على ماعتقد

ياليت تنقلها لنا
ولك جزيل الشكر ,,,,,,,

ابو علي
أإأإأإأإأبـــــــدأإأإأإأعـ,
أإأإأإلــــــــى..أإأإأإأبـــعـد..حــــد..
.
نــبيـ, صوتية..وفديو.. (اعتبرهـ,.طلبـ,.)
.