(دلة وفا) موجهه للعقيد محمد سلامه العصباني

بسم الله الرحمن الرحيم

السلام عليكم ورحمة الله وبركاته





وبعد



العقيد المهندس الركن محمد بن سلامه العصباني البلو ي


رجل تفتخر به قبيلة بلي في جميع حالاته


ويعجز القلم عن حصر طيب ومكارم هذا الرجل


ويوافقني على ذلك جميع من يعرف محمد سلامه


ولولا علمي بموافقة الجميع لي على طيب هذا الرجل


لما كتبت هذا خوفا من ان يحسب كلامي على تزلف او غيره


والقصيده لم توفيه حقه


ولكن


.

.

.

ياهاجسي كلن حسب قدراته الذاتيه=ولا احد يلوم اللي بذل مجهوده وقدراته
وانا هنا من منطلق مقدرتي الشعريه=املك من الشعر اجزله واكتب عيون ابياته
انقا من انقا المنتقا منقيّة المنقيه=وفبكار الافكار ارسم لدربي خصوصياته
والقا به اللي لو بقت بعدي ماهي ملقيّه=لو العيون تشوفها كلن حسب طولاته
الشعر من بحره نصيب النظره السطحيه=مثل البلل على الغريق ينبه الشماته
يالله عسا قسمي يجي من فوق ذيك وذيه=حتى يشرفني وتذبح حاسدي حسراته
ماودي الا الوافيه في روحتي والجيه=والرجل لازم يوفي بروحاته وجياته
وبالشعر ماترضيني القصيده العاديه=خصاً بشكر اللي على الطيب اعتلت راياته
شرواك ياللي فعلك يبيّن نهار الهيّه=دون الوطن ياكاسب بجهدك ثقة قاداته
ياللي بك البريه تسولف على البحريّه=وبك يفتخر كل الدفاع الجوي وقواته
متميّز بعلمك ولك منصب ومسؤليه=تقوم فيها وانت كفو لتاجك ونجماته
معروف بالراي السديد وقوة الشخصيّه=ولا اجيب علم الا وعندي للرجال اثباته
اكبر دليل الموقف اللي صار بالكليّه=موقف هدية سيدي سلطان وش معناته
تشريف لك يابن سلامه وانت نارك حيه=تستاهل اعجاب الامير ومدحه ومداته
على المكارم والوفا سجيتك مبنيه=ااقولها ويقولها اللي جاك في شداته
نباك دايم مرحبا واقلط ويالله حيه=والفعل فعل اللي لاجل عانيه ينكر ذاته
ما احد نصاك وروّح الا وحاجته مقضيّه=وقفاتك توصل قليل المقدره غاياته
اشكرك من قلب وضمير ومن صفاوة نيّه=على جميلك والرجل يشكر على وقفاته
الوافي يرد الجمايل للعرب مثنيّه=وان ما قدر ما يجحد المعروف بنهاياته
وانا يقلبني هجوسي بين شمس وفيّه=ورد الجميل اول واهم اهدافه ورغباته
لكن هيهات وحروفي بالوفا معنيّه=ومن طيب وصفك شمّخ الشعر ورفع هقواته
سوالك اللي من غصون المرجله مجنيّه=دلّة وفا واللي تفوته نص عمره فاته
فنجالها نادر ولا قهويت غيرك زيه=ماهو لحي الله ولا للي يقولو هاته
لك انت اسوقه يابوطارق واتعدا ميه=وان شفت واحدهم زعل اقول سو سواته
هذي لبو طارق وعن راع الردا محميّه=من شاعر يثمّن كلامه بعد طول سكاته
قصيده فبعض الوصايف كنها نشميّه=وعشاقها مافيهم اللي شدها بميزاته
تخيرتك وعن سواك من الرجال معيّه=من نسل شيخ وبالعرب نظراتها نظراته

وتحياتي للجميع

صح لسانك ويستاهل الأخ / محمد ابن سلامه العصباني . هذه القصيدة الشامخة .

وفعوله و وقفاته مشهوده .

وتسلم على هذه القصيدة .

محمد عووده صح الله لساانك

وحقا قصيده غيير عااديه

ويستااهل أبو طاااارق ونعم به وبالجميع

أبوطارق رجل كل بلوي يفتخر يه
بيض الله وجهك يالغالي

ياللي بك البريه تسولـف علـى البحريّـه---وبك يفتخر كـل الدفـاع الجـوي وقواتـه

صح لسانك على هالابداع الجميل يامحمد ويستاهل ابو طارق المدح والثناء

لك تحياتي ودمت بخير

الله يعطيك العافيه
ويستاهل ابو طارق
كل خير0