قصائد شعرية ، محاورات شعرية ، قصائد وشيلات صوتية .

قصيدة عتب بين شايب وعجوز..؟؟

تقليص
X
 
  • الوقت
  • عرض
إلغاء تحديد الكل
مشاركات جديدة
  • ماجد سليمان البلوي
    مشرف قسم التراث

    • 28 - 8 - 2009
    • 9524

    #1

    قصيدة عتب بين شايب وعجوز..؟؟

    قصيدة عتب بين شايب وعجوز..؟؟

    الشيبه:
    قلبي شباب ولازم اني اعرس...مابي العجوز اللي توسد على الباب
    الخير وايد وماني مفلس...عندي فلوس تدعم البنك في حساااب

    العجوووز:
    ماباقي منك غير خشمك وهالضرس..تبغى تعرس وانت غادي شالغراب
    قابل صلاتك الله يشفيك من المس..ولا ترى باطب ويهك بالترااااب

    الشيبه:
    انتي عجوز واكلك الروب والخس...اماا انا ماكل سوى تكه وكباب
    مافيني سكر غير ضغطي نازل بس..دام الخير فيني ترى كل شي طاااب

    العجوووز:
    لا بارك الله فيك يالشيبه يالنحس...ماتجيبك الرمسه ولا يجيبك اعتاب
    قصر لي صوتك ماابي اسمع ولا حس..عطني طلاقي وانقلع وقبض الباب

    الشيبه:
    دومك نحيسه وذا لسانك يبيله قص..ربي ترى حلل لي اربع بالكتاب
    هذا خميس جارنا ياكم عرس...مرتاح بالدنيا بلا هم واعتاااب

    العجوووز:
    بطران وراسك كالصخر يابس وعص... مالوم طبعك يوم ربعك هالكلاااب
    غادي شرا الاريل ودومك تتحيس... استح على ويهك اصلع ولعااااب

    الشيبه:
    فكيني من ويهك ترى مالي اي نفس...زهقان من شوفك وابقالي احباب
    هذا طلاقك طالقه اربع وخمس... شلي طلاقك من ضميري بلا حسااب

    العجوووز:
    مشكور يالشيبه ومن دون اي دس... عندي ولد ٍ ماابتعد لحظه وغاب
    يشريك ويبيعك تراه باثمن وبخس... ماتسوى ظفره حلو اسمر وجذااب

    الشيبه:
    يالله قبل لا اموت منك وقتص... طلعتيلي قرنٍِ وراسي بعد شااااب
    ياشينه البرقع ترى قدرك اختس... عجوز لك في الدنيا مشاريه وعتاب

    العجوووز:
    مثلك تراني وهذا لك في العمر درس... لاني اميز بين شيبه وشياااب
    ولا نسيت اني على الموضه اللبس..ماعلموك اني بلا شيله وحجااااب
    وسلامتكم..
    ولكم تحيات
    ماجد البلوي
  • مشعل بن مشحن السرحاني
    عضو جديد

    • 26 - 11 - 2009
    • 9965

    #2
    رد: قصيدة عتب بين شايب وعجوز..؟؟

    مشكور أستاذ ماجد على هالموضوع .............
    [flash=http://e3sarcom.com/up/upload/%D9%85%D8%B4%D8%B9%D9%84%20%D8%A7%D9%84%D8%B3%D8%B 1%D8%AD%D9%80%D9%80%D9%80%D9%80%D9%80%D8%A7%D9%86% D9%8A.swf]WIDTH=400 HEIGHT=350[/flash]

    تعليق

    يعمل...