قصيدة الشاعر فيصل الدلبحي في سعادة اللواء عواد البلوي

[poem=font="traditional arabic,6,darkblue,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""] يا هاجسي للشعر وقفه و ميعاد=وقفة وفا و احساس طيب و كرامه
عَطني من الأبيات ابياتٍ اجداد=مدحٍ ولا ابغى للعتب و الملامَه
منصاك لشيوخٍ على عِز و شداد=شيخة فِعِل ماهيب شيخة ندامه
ايوالله ايوالله بانصيك عواد=عواد عواد الكرم و الشهامه
شيخٍ على الطالات ثابت و معتاد=زعيم ما يرضى بغير الزعامه
يمناه لاكرام الرياجيل تنقاد=وفي صفحة التاريخ دَوَّن علامه
حامي حدود المملكه ضد الاوغاد=دون الوطن ياقف ويردع خصامه
قايد حرس و يدير ضباط و افراد=رجلٍ كريم و قادهم باحترامه
بقول كلمه تختصر كل الابعاد=قبل العتيبي لا يخلص كلامه
عواد بن عيد العرادي يالاجواد=عِز الذي وقته تغيَّر و ضامه[/poem]