عزوتي يا عزوتي لشاعرنا القدير عيد بن قيضي البلوي

[poem=font=",6,blue,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""] عزوتي يا عزوتي عبد الرحيم=شوف كيف النَّاس بالعلم اقلطا
اجتهد بالعلم و افهم يا فهيم=المعالي فوق ماهي بالوطا
و اجتهد في طاعة الله العظيم=ما يخيب اللي لطاعته امتطا
والهوا و النفس وابليس الرجيم=كلها عدوان للعبد انشطا
وان مشيت بدرب خلك مستقيم=شوف ماطا الرجل قبل انك تطا
وانتبه لا تاخذ براي الغشيم=ولا تخاوي في مماشيك اعبطا
واطلب الحكمه من الرجل الحكيم=و لا ترد لداعي الخير اوسطا
ولا تقول لصاحب العِلّّه سليم=ما يصح الصح في خانة خطا
واعلم ان الزين لو انه قديم=المعادن ما يغيرها البطا
وانتبه من غضبة الرجل الحليم=الحليم الى غضب كفَّه سطا
وان لفاك الضيف خلك له كريم=وان عطيتوا لا تمنون العطا
بين عم و خال يا عبد الرحيم=كلهم بالقول و الفعل اخلطا[/poem]