خلهم عنك تكفا!!!!

ان حكو لك سخاف الناس عني كلام
........خل صدرك ..وسيع ..ولا تعذر لاحد

اسمع السالفه ..ثم ابتسم والسلام
.........غيضهم بالسكوت اللي يجيب الكمد

خلهم عنك.. تكفا.. لا تعاند .. لئام
.........وضعهم عند رب الخلق يوم الوعد

وادري انك ..غيور. ولاتجيب الملام
.........بس بعض الاوادم..فيها شر وحسد

القلوب المريضه فيها حقد و عسام
..........وفكرهم في الحقيقه قد يدمر بلد

طالب النور عمره .ما يحب الظلام
...........من زرع خير يجني من ثماره سعد

أصل فن.. التعامل حافظه. بالتمام
..........درس من واقع .الاحداث عندي جلد

كم عطينا دروس".. للبشر باهتمام
..........وآخر العام ينجح. من درس واجتهد


محمد الثوعي