الشاعر/راشد حمد يرثي الفقيد عبيد قيضي

هذي قصيده قلتها عندما انتقل رجل غالي عندي الى رحمة الله وهو عبيد قيضي ابن سافر وهذا الرجل له صفات لاتوجد في كثير من الناس وعند انتقاله الى رحمة الله قلت هذي القصيده ،،رحمة الله عليه،،

يا بوكرم خلك على الحزن صبار
والصبر مفتاح الفرج عند مولاك
عبيد اخذه الموت قصاف الاعمار
وعبيد غالي عند ذولا وذولاك
اللي خلق ياخذ ولافيه مدحار
هوالذي قادر بموتك ومحياك
عساه مايعرض على شعلت النار
حتى الحقك ياعبيد لا يمكن انساك
يالله طلبتك وانت علام الاسرار
ان ترحمه وانا اطلبك واترجاك
رجل الزعامه فالمهمات بيطار
عساه للجنه بفظلك ومعطاك
خاويتني بكل شيمه ومقدار
والعين يسكب دمعها حين فرقاك
ياربي انك تجعله ضمن الابرار
في جنةالفردوس يومك و مأواك
هذا المصير ولابها شك وانكار
ياعبيد كل الخلق تمشي بممشاك