مشاركتي في زواج أخونا الإعلامي ناصر بن عياد الوابصي البلوي

[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
للطِّيب بين النَّاس هيبَه و تقدير=والخاسر اللي هيبتَه ما شَراها
ما عمر صَقرٍ عاش بينَ العصافير=والصَّقر يدري طيرتَه وش وَراها
فوقَ الجِبال السُّود يا صاحبي طير=حُرٍّ و عَيَّا يحتِمي في ذَراها
ما خاب ظَنَّ الخير في فاعِلَ الخير=ما خاب ظَنَّ العين باللي قَراها
للشِّعر مَعنى والقوافي طوابير=والقاف خيلٍ كل أرضٍ جَراها
ناصِر وَلَد عَيَّاد بينَ المناعير=صَقرٍ يدوِّر قِمِّتَه ماحترَاها
مِنِّي يجيك القاف حُبٍّ و تعبير=بالفَرحَه اللي خافِقي لِك طَراها
عَسَى السَّعادَه والمودَّه تباشير=دايم رِفيقي في حياتِك تَراها
وانْ كان جالِك مِنِّي اليوم تَقصير=شَرواك يَسمَح زَلِّتي لا دَرَاها
[/poem]