قصيدة متقاعد ..

[poem=font=",6,,normal,normal" bkcolor="transparent" bkimage="" border="double,4," type=0 line=0 align=center use=ex num="0,black""]
لاتحسبوني شباب الحيل منهدي = والكبر يرث على الرجال يا عيالي
حاله تجيني يطير النوم وتعدي = دايم افكر لحالي ضايقن بالي
لولا الحياء لانحرف واستخدم مهدي = اخاف واخشى عقوبة ربي العالي
وقت مظالي ياليت يعود ويردي = ماني مقيد بدون شروط يا خالي
عايش بجون معرف الخوف ماردي = راسي عنيد اتحدى كنت ما بالي
اشوف نفسي عليها ماحدن قدي = ياويلها لو تكلم اسحب عقالي
امري بكيفي اسافر وين ماودي = كنت اتمشى واروح واسافر لحالي
امر بيتي مرور اكرام متعدي = وليابغوني يدقو رقم جوالي
واليوم حظي اشوفه منقلب ضدي = ياكثر مثلي جماعه حظهم مالي
اروح وارجع واجيب اغراض واودي = اخر زمان الولد سواق بنقالي
اخاف تزعل وينز الكف من خدي = حسب الطلب مستعد اقوم طوالي
من حقها ام العيال تثور وتصدي = تفرض علي الاقامه صوتها عالي
اضحك لاقالو الورعان ياجدي = خدمة علم مستلم بالبيت مرسالي
تالي حياتي خساره كلها كدي = تكثر ضحايا البشر لاصيطر المالي
بالمجتمع ظاهرة تطنيش وتحدي = سهم المره مرتفع مع جيلنا التالي
ردت فعل ضدنا بالعكس ترتدي = راحت حقوق الرجل مع عصر الابطالي
والخاتمه يوم كان الحل في يدي = ضيعت فرصه ثمينه كانت قبالي
من عقب شخصيتي لو عشت وش ودي = لاهمشت الكرامه سعرها عالي
[/poem]