مشاركتي في حفل العم الغالي/ علي بن رخيَّه لضيوفه وضيوف بِلِي مِن قبيلة جهينه

[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
كل القبايل ما عليها أبَد زُود=جاري يشمِّر بالمواقف ذراعَه
والحُر يَمشي دون عيبٍ و منقود=والحَق واجب في حياتي اتباعَه
للحَرف قيمَه والسواليف مردود=والصِّدق يروي خافقي في سِماعَه
والشَّعر سُوقٍ والمشاعر لها حدود=والقاف يشري والمعاني بِضاعَه
ما عاش بيتٍ ساسَه اليوم مهدود=والخاسِر اللي هَدْ بيتَه و باعَه
ماني عَلَى مدح المخاليق محدود=الاَّ أصيلٍ فيه خير و قَناعَه
واليوم قافي لاجْل الاحرار مولود=جاكُم وجيه الخير سَمعٍ وطاعَه
والهيل فاح اليوم مع ريحة العود=والنَّفس تفرح في حضور الجماعَه
بالكُر أرضَ العِز والطِّيب موجود=ما كِل راسٍ لا نواه استطاعَه
عِندَ القضاعي بن رخيَّه و مشهود=لَه الحَمِيَّه والكَرَم مِن طِباعَه
علي بن سليمان جامِع هَلَ الجود=أهلَ الكَرامَه والوفا والشجاعَه
أهل المروَّه والمعارِك لها جنود=والحَرب يَشهَد عِند وقت اندلاعَه
نَسلَ الشَّهامَه والصَّحابَه لنا جدود=بِلِي و جهينَه عزوتي مِن قضاعَه
كل القبايل ما عليها أبَد زُود=جاري يشمِّر بالمواقف ذراعَه
نَسلَ الشَّهامَه والصَّحابَه لنا جدود=بِلِي و جهينَه عزوتي مِن قضاعَه
[/poem]