جيوش الهواجس

لا بارك الله فيك يا جيوش الهواجس والظنون = البارحـه ليلـي عــن حــدود اليقـيـن احـدهـا
تغيـر مـع كـل الفجـوج الواضحـه وبـكـل لــون = واقـف لهـا بسيـف العلـوم الغانمـه واصـدهـا
حتـى ولــو طعناتـهـا وصـلـت نهوّنـهـا تـهـون = لا صـار مـا وصلـت الـى حــد الكـرامـه يـدهـا
لبستها مـن صبرنـا جلبـاب فضفـاض الـردون = واهديتهـا حليـه مــن الاعــذار تسـتـر قـدهـا
عدّيْتهـا يـا صاحبـي لاجـل المدينـه والعيـون = وإلا انت طايح دون هقواتـي ولا انتـه سدهـا
ريِّـح ركـاب العـذر يـا رَجَّــال فاتـتـك الظـعـون = قَفَّـت وهـي بحمولـهـا صعـبـاً علـيـك تـردهـا
وابشـرك لا ضَيِّقَـت صـدري ولا هـم يحزنـون = متسـاويٍ مـن يمكـم هـزل العـلـوم وجـدهـا