۩۩۞۞عليـــــــــــه ذبلت حالتي واضمحليت ..۞۞۩۩

في ذكرى وفـــــــات ابني .. فهــــــــد .. اثر حادث اليــــــــــــم خارج المملكة ....

[poem=font="Simplified Arabic,4,white,bold,normal" bkcolor="transparent" bkimage="./images/backgrounds/21.gif" border="groove,4,skyblue" type=1 line=1 align=center use=ex num="0,black"]




واطيري اللي راح واوميت واوميت=واغطش عليه ادموع عيني سرابه

عليه ذبلت حالتي واضمحليت = مثل اضمحلت جلد شنت ربابه

ماسالين ياطـــــــــــــير لوني تسليت = حزن المفارق محزنة ماسلابه

اذكر خيالك كل ماجيت واقفيت = واذكر سلامك ياهلا فيك بابه

واقفيت عني ياحبيبي وانا اقفيت = حال اللحد بيني وبينك اترابه

قفيت ساتر دمعتي مثل ماجيت= والله عليم القلب واللي صلابه

لو التمني ايفيد يــــــاما تمنيت = مافادني والجرح ينزف صوابه

لو ليت تنفع قلت ياليت ياليــــــــت = ماظن قولت ليت فيها صبابه

اقضي نهاري بالعنا والتناهيت =وارقد مع الهاجوس واعيش كابه

لواهبن على الحشى مثل كبريت= غاز الجبيل اللي سريع اشتبابه

واكن دمعة مقلتي كل ماجيت = عن المعادي والاهل والقرابه

ادرابها عن حاقدين التشاميت = والا صديقن مايسرن عذابه

لو التمني يعيد محبوبي الميت = صبيتهن صبات حبر الكتابه

مالك زماني في عذابي تماديت = شين العزيز اليا زمانه عدابه

انت اللذي دمرتني كيف ماشيت = والا العدو يموت سمه ابنابه

اشكي على اللي سامكن قبة البيت = انه ايخفف من حزن ماقضا به



شيهـــــ النود ـــــــان[/poem]