&& بين الغلا والتيه والانسجامه &&

اهداء الى الاحبه فرسان المنتدى ومرتاديه ... حيث سأغيب عنكم بعض الوقت

ودمــــــــــــــــــــــــتم

[poem=font="Simplified Arabic,4,darkblue,normal,normal" bkcolor="white" bkimage="" border="double,4,purple" type=1 line=1 align=center use=ex num="0,black"]
الله واكبر يا نديف العدامه=مجلاسها مثل الحيا للضماير

يالذها لا جالستك الحمامه=غجرية العينين جدلا ضفاير

يازينها لاقصرت بالعمامه=عن مجدلن مهضوم والوسط غاير

اللي مثل بدر الدجى في تمامه=امزوهرن عليه مثل الدواير

والا البروق اللي اتلاظ الغمامه=نوره يكد الليل مبهر اوناير

بين الغلا والتيه والانسجامه=كنك على جنات الاعدان ساير

مابين مد القلب ونبض انتظامه=تصعد على موجات وجهه عباير

الخوذنه ماهو مجمع احطامه=والموج بين ايديه سندى حداير

ياصفقتي صفق الهوى بالرزامه=عليك يالمجمول خشف العفاير

يازين قلبي ماهناله منامه=عبر الفضا يلف لف السباير

هذي تلف الروح وهذي اهدامه=وهذي تغوص ابموحلات الحفاير

ان عشت ياراسي معيشة كرامه=وان مت ياراسي عليك البشاير

كل العلوم اللي عليها الزامه=اخفيتها باقصى بعيد الضباير

اخذ بها من منهجي والتزامه=مايخيب الله ظن طيب السراير

كلن على مسراه يمشي مرامه=يسير في مسراه مثل السواير

احدن على مسراه يجني ندامه=واحدن على مسراه يبني مصاير

وانا مسار القلب مسرى احلامه=وارش ماطى خطاه ورد الجواير

دام القمر والشمس حجوا ازمامه=وش حيلتي يامالكين البصاير

روحي تتوق الثمته وابتسامه=توق الحصان الذوقته للسكاير

كما يتوق اللي ظماه احتدامه=على غدير المي لاجاه زاير

ترى حبيبي لك مقام وكرامه=محفوظتن بين الضلوع السداير

حافظ بها مسرى هواك اوغرامه=حفظ السما للنابضات المناير[/poem]

[[SIZE=4]CENTER

شيــهان النود
غازي الميهوبي