غـــــــــــــــــــــزالـه

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يوم الخميس اللي مضى اول العيد = في عصر ذاك اليوم مرت غزاله
فتنه بذاك اليوم في عنق في جيد = مثل البدر ياناس ليلة كماله
تفننت باللبس وخضاب بالايد = واضفى عليها العيد لمسة جماله
لونه جهل لو مر بالسوق ترديد = من اللذي ياناس يقدر يساله
توه صغير وساحر عيون ويصيد = من دون مايدري قتلني دلاله
سبحان من حلاه بالزين هو سيد = جيله من الغزلان مابه مثاله
فمت الحظه بالعين والشوف مايفيد = لاصار منته دوم جالس قباله
بغيت اقول ااهلين ياقايد الغيد = لاشك خفت يذوب خده خجاله
اشر علي وقلت حاضر وش اتريد = آمر تدلل عل روحي فداله
قال انتظر لاعل مابه حساسيد = انت السحيمي قلت عيد المقاله
قال السحيمي قلت انا اهلين تغريد = ثم ابتسم والقلب ياناس جاله
شيء غريب وخافقي نبضه ايزيد = مدري علام القلب ويلاه ماله
قال الاسم مقبول منكم وتجديد = باطلب من الاحوال يكتب بداله
ودارت سوالف بيننا دون تحديد = وحان الوداع وراح كلا بحاله
على أمل لقيا بليا مواعيد = به نجتمع ان كان وقته صفاله
[/poem]