اعتذار وعتاب وقصيده

[poem=font="Simplified Arabic,5,black,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black"]
*

لامني وجه الزمان ولاعلى مثلي ملامه = الحسود اطفيت ضوه والحبيب اوقدت ناره
انتخيت بطيب نفسي والمعزه والكرامه= مارجيت الا العزيز ولاوقفت الابداره
لابس(ن)ثوب الخضوع وساكب(ن)دمع الندامه= والرجا والخوف يسكن خافقي تاره وتاره
واعترافي بالحقايق ذروة الحق وسنامه= والحظيظ المخطي اللي عاد للدرب ومساره
ماجزعت ولانصبت ولاتطبعت الشهامه=الوفا طبعي وعارف وين ربحي والخساره
الرفيق اعطيه حقه له مكانه واحترامه =والبعيد احذر جنابه لاانتقاص ولاعياره
المواجيب ان دعتني جيتها مرفوع هامه=حافظ(ن)درس الجدود مساير(ن)ركب الحضاره
ثروتي عرف الرجال اهل اللبابه والفهامه=اعتبرها اكبر غنيمه واعتبرها اكبر تجاره
ماطمعت الابربي خالق(ن) شرقه وشامه= الحكيم اللي رضيت بكل حكمه واختياره
والصبر دقيت بابه عن شقا الذل ومقامه=احتفابي واحتواني واحتفل بي في دياره
والليالي لو تكدر حزنها مثل الغمامه=تنقشع والروض يزهر ويتمايل في خضاره
والفجر لابان ضوحه يقتل الليل وضلامه = يبتدي صبح(ن) جديد(ن) يكسي الكون بنهاره
الامل مشرق ويرسل من شقا الغربه سلامه=ناوي الرجعه.. من اللي ياخذ لعلمه بشاره؟
لاح برقه وارقصت له كل ضحكه وابتسامه= والصحار المهمهيه دونها نسدل ستاره
بعدها ماله عليه لاعتاب ولاملامه=الحسود اطفيت ضوه والحبيب اوقدت ناره
_________
مشهور يوسف السرحاني[/poem]