منيف مناحي / أعتزي بسبع الجدود وكل جد وله زعامه

[poem=font="MS Dialog,4,black,bold,normal" bkcolor="transparent" bkimage="./images/backgrounds/13.gif" border="none,4,gray" type=2 line=0 align=center use=ex num="0,black"]
ا
.
نامت عيون العباد وليه أنا ماتنام عيني=
واهني اللي لجاه النوم يرتاح بمنامه
ودي أضحك ودي امزح ودي اطق الهجيني=
ودي اطرب واطرب اللي ناح مع نوح الحمامه
ياملكي اللي يساري ياملكي اللي يميني=
اكتبن والا امسحن ميعادنا يوم القيامه
راسي اطلق راس لو ان الليالي تحتريني=
يستحق التاج الأصفر لا عقال ولا عمامه
والله اني خابر ان الموت الاحمر مقتفيني=
وان سلمت اليوم باكر ماتحريت السلامه
من وراي اللي يحسب ايام مايحسب السنيني=
وكل يومٍ ينقضي يكتب على جنبه علامه
والله اني باغي الدنيا وهي والله تبيني=
وافترقنا ليتها تطلب مهر غير الكرامه
راسها من تحت رجلي ورجلها لمست يديني=
وكل ما اطى راسها تفعل مثل فعل النعامه
يوم جاء مندوبها الجليس قامو واقفيني=
غير أنا ماقمت له ماقلت عز الله مقامه
والتفت باللي وقف ثم لد العين فيني=
أهب ما اقشر نظرته من بعد ذيك الابتسامه
نظرته سوت مسافه بين خلق الله وبيني=
دريم انه ينتقم مني وخافو من انتقامه
واضحكوني وازعلوني ذيبهم عود حصيني=
اثري الدنيا بها لفه وميله واستقامه
وش تبا الدنيا تسوي بواحدٍ ضلعه متيني=
عزمه اقوى من الحديده والحديده من عظامه
فارقيني ماعلي خلاف لو تفارقيني=
اعتزي بسبع الجدود وكل جد وله زعامه
وعايديهم في نهار العيد انا لا تعايديني=
يرفعون بك الجمل وانتي شدادك في سنامه
وان سلم راسي تهوني غصب عنك تطاوعيني=
خامتي هي عز راسي خامتي ياوي خامه

.
ا[/poem]