قصيد (6 ) للشاعر المزحوم محمد بن حمدان اللوط البلوي

عندما يضيق بال الشاعر ليس هناك افضل من مناجاة الشاعر لنفسه هذا ماقاله الشاعر المرحوم محمد بن حمدان اللوط البلوي:

[poem=font="Arabic Transparent,5,black,normal,normal" bkcolor="white" bkimage="" border="inset,5,gray" type=0 line=1 align=center use=ex num="0,black"]
سر ياقلم واكتب وعبّر بالامثال===والنفس عند اللي خلقها رهينه
ياونتي قلت آه من ضيقة البال===صابر لشيٍ ماقدرت استطيعه
البارحه نومي على جال من جال===والنفس ضاقت بالخبوت الوسيعه
تأتي هجوس الليل في اقفاي واقبال===والقلب مثل الطار تسمع رقيعه
ضجّة حراج فيه من كل الأشكال===ولاّ على حادث تنادوا فزيعه
ياأحمد لنا سووا من البن فنجال=== والهيل تشرونه من اللي يبيعه
فنجال مايعرض على كل رجال===إلا الرجال أهل القلوب الشجيعه
وبيوتهم للضيف ممسى ومقيال===يشهد لهم يوم السنين الشنيعه
ايام مايعرف بها كثر الأموال===كانوا هل النوماس بأول طليعه
اللي لهم بالراي مخرج ومدخال===واسرارهم مثل الحصون المنيعه
حلاّلة الصعبات لوطال الإشكال===ليا عاضبت حل الأمور السريعه
تاريخهم يبقى وتقراه الأجيال===وتسمع بها حتى الصغار الرضيعه
الله يغيّر حال من حال في حال===اللي شرع دينه على اسمح شريعه
ليتي مع البدوان نازل ورحّال===اللي إن طبّ الغيث يرعوا ربيعه
يازين شوف العشب من بعد الإمحال===والأرض تزهى في جمال الطبيعه
وإن قلت اباأسكن قالوا الناس ماشاال===ترحل جبال ولاتزول الطبيعه
ومن لاسأل عنّي اناعنه مااسال===ومن يعمل المعروف نحفظ جميله
ياابو جميل اصبر على شل الأثقال===وإن كان ماطاعك زمانك تطيعه
مالك ومال الغير ياعم ياخال===واعرف صديق الوقت واعرف لكيعه
اوصي بها نفسي واقوله للانجال===لايناسبوا ناساً تحب القطيعه
ياالله عسى الحسّاد في نجم ينهال===ينزل عليهم من سماه الرفيعه
ويكون وابلها عليهم بالأنكال===باجسادهم تدعي حريقه وليعه
من شرّها تسلم ضعايف والاطفال===ناداك عبدك يامجيب السميعه
لوكل من يمشي مع الحق ماعال===يحصل على كل الصفات الرفيعه
وصلاة ربّي عدّ ماهلّ همّال===على نبياً للخلايق شفيعه[/poem]