تويت
ولا ندري نلوم أيامنا والا ليالينا 
_________
*
[poem=font="Tahoma,5,black,bold,normal" bkcolor="transparent" bkimage="./images/backgrounds/16.gif" border="none,4,gray" type=2 line=1 align=center use=ex num="0,black"]_________
*
*
*
برق برق الملا م وصرت بين الهم والهاجوس = وعلى كلٍ ترا الاعذار ماتت بين ايادينا
غفلنا مانتبهنا الا بعد طق الضروس السوس= وذا.. من بعد ذا.. من بعد ذا.. ماعاد يمدينا
صبرنا واحتسبنا والليالي جابت المدسوس=و لا ندري نلوم أيامنا والا ليالـينا
تحملنا الخطا والعذر قولت حضنا منحوس= وصار الوقت بافعاله يزعلنا ويرضــينا
وقررنا نسج الخيل وندوس المهونه دوس=وتولمنا . وكبرنا .. وهللنا . . وتعــزوينا
وتذكرنا زمان العز والتسليح رمح وقوس= زمانٍ فيه مانخلف بعضنا في هــقاوينا
زمان اجدادنا قالو كرامتنا ثمنها الروس= ومن دم النشاما سطر التاريخ أسامـينا
زمانٍ فيه الاجداد أعطو الاحفاد اغلا دروس= ولكن للآسف ياليتهم راحو ولا جـينا
تعاهدنا بضل الشجره اللي جذعها مغروس =على التقوى ولكن الخلل ياجدادنا فـينا
ورجعنا للكتاب اللي به العهــد وطلع ممروس=بدمعه من قهرها ودعتنا قبل تبكينا
____________________
__________
عايد السميري[/poem]
تعليق