منيف مناحي بن منقرة ( ثائراً يخاطب العرب والمسلمين)

[POEM="font="Simplified Arabic,5,black,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black""]

الله أكبــــر يا عــــرب ما تسمعـــون=الله أكبر ما تشوفوا وش حصـــل ؟
الله أكبــــر داااايم الهاين يهون=الله أكبر لا كلام ولا فعـــل!!
عودوكم تسمعون وتسكتون=وتقبلون بشي عمره ما نقبل !
أخرتها يكتبون ويرسمون=النصارى واليهود أهل الحيل
بعد هذي ياعرب وش تحترون ؟=إزعلــوا .. نوبات يازين الزعل
للرسول المصطفى لا ياصلون=اردعوهم والجهل ضــــده جهل
الرسول أهل السماء له يشهدون=فضله ربي على كل الرسل
فضله من أمره بكافٍ ونون=علمة جبريل قرآنٍ نزل
وليلة الإسراء إمام المرسلون=هو إمام الأنبياء حق وعـــدل
أنبياء الله خلفه يركعون=الله اللي فضله عز وجل
والبشر من كل شكل وكل لون=له عليهم بعد فضل الله فضل
أمته يرّدون غــر محجلون=العداله من نصيب أهل العدل
وبعد هذا يطلعون أهل المجون=يرسمون أشكال ماهي له شكل
يكذبون ويخسئون ويعقبون=ما لــسيدنا بهالدنيا مثل
لا تعدوها لهم لو تفهمون=لا تعدوها لهم ترجع دبل
حاربوهم كلهم واللي يخون=رحلوه إن كان معهم ما رحل
مايمون اللي يجامل ما يمون=إسموعها زين ياشيوخ الشمـــل
النصارى واليهود يخططون=الله أكبر لو مخططهم كمل
والعرب ( لستـــار ) بس يصفقون !=همهم روبي مع سميه عسل !!
مالت الدنيا على المتمايلون=وطالت الغفله على قلبٍ غفل
الله أكبر يا عرب وش تحترون=صملوها وتغدي قول وفعـــل[/POEM]