الشرقي ابا إلا أن يشارك في منتدى بلي (بقصيدة)

هو أكثر من صديق أخ وزميل(مدني) في العمل رجل احمل له الكثير من التقدير والأحترام شاعر متمكن من أدواته الشعريه ستختلف عليكم اللهجه بعض الشي ولكن القصيدة رائعه بروعة شاعرها
من أهل المنطقه الشرقيه من جوار الخليج صرخ مدافعاً عن رسول الله صلى الله عليه وسلم
هذة قصيدة أبو أحمد الشرقي


[POEM="font="Simplified Arabic,5,black,bold,normal" bkcolor="transparent" bkimage="" border="none,7,gray" type=2 line=0 align=center use=ex num="0,black""]دقي دقي ياطبول وقومـي قومـي ياحميّـة=واستفيضي يامشاعر واسعفينـي ياحـروف

استفزي كل نخوة داخلـي بالـروح حيّـة=وارفعي الرايات خضرا واسنديها ياسيـوف

علّمي الجهّـال عنـا بـأن فينـا مقدريّـة=والعدو وان كان جيشه بالمئات من الألـوف

والحياة ان جات عسرة صار واحدنا بميّـة=والصعب يصبح بسيط وبين ايادينا معسوف

قولي للطاغين كفّـو شركـم ياهـل البليّـة=وان نويتوا الحرب فإنا بالمعادي مانـروف

حنا شعـبٍ مانعيـل ولانبـادر بالخطيّـة=لكن الغلطان فينا يحتـري صفـع الكفـوف

والخوي وقت الشدايد يفزع لنصرة خويّـه=مايثور الا لحـق وغيـر حقـه مايشـوف

كيف لوجات الإساءة للنبـي خيـر البريّـة=والله ان نثور ثورة وانتراصص بالصفوف

ذا ((محمد)) يانصارى ما انخلق مخلوق زيّه=ذا رسول الله وخيره شي بيّـن ومعـروف

في مقابيل الإسـاءة نـردع السيّـة بسيّـة=وان بغيتوها سلام بشرط تنكيـس الأنـوف

والا والله مايهـم وربنـا جـزل العطيّـة=مانذل الراس فينـا وان تحدتنـا الظـروف

قاطعوهم قاطعوهم والحقـوا الكيّـة بكيّـة=ياهل الإسلام ثوروا وانسوا القلب العطـوف

والدعاء للي خلقنا واصطفانـا فـي نبيّـه=ياعزيـز وياقديـر ويارحيـم ويـارؤوف

تنتقم من كل نجـسٍ ينـوي الديـن بأذيّـة=وانك تشل السواعد لابدت حولـه تطـوف

والختم صلوا على احمد وارفعوها له هديّـة=وافية من قلب صادق خالية من كل خـوف [/POEM]