عهد الطفولة

[POEM="font="Traditional Arabic,5,darkred,bold,normal" bkcolor="transparent" bkimage="./images/backgrounds/8.gif" border="groove,7,gray" type=2 line=0 align=center use=ex num="0,black""]ساقتنـي الـقـدرة ومـريـت الاطــلال = وجيت الرسوم وشفت عهد الطفولـة
وخانتنـي العـبـرة ولوكـنـت رجــال= بعض المـواقـف ماتفيـدالرجـولـة
قامـت تـوارد ذكرياتـي علـى الـبـال =كـم طـاري بالحال وصلـت ذلـولـة
هواجـسـا قـامــت تـــوارد وتـنـهـال= هـذا يـروح وذاك عجـلن وصـولـة
وعدت قدم رجلي على راس مطـال= رجما زها فـي ناظـر العيـن طولـة
اقف براسة وارسل الطـرف للجـال = ياخـذ بـدار الامــس جـولـة وجـولـة
يـطـارد الـذكـرى بـوديـان وجـبــال= ويشوف عقبي وش جرا في سهولـة
ولقيتهـا عقـب البطـى مابـهـاازوال= ماشفـت فيهـا غـيـر ضـلـي وزولــة
وقفـت انــا مهـتـال والقـلـب يجـتـال= عواصف الذكـرى بصـدري تجولـة
اقـول يــدارا لـنا فـيــك مــنـزال= ويـن الـربوع الي تعـاقـب نـزولـة
وين الرجال الي زهو زين الافعـال= الي خــذوا بيمـانـهـم كــل طـولــة
قالـت زمانـي شيـن وايامه اطـوال= ومع طول وقتي صرت منهم محولة
دنياعنـيـدة والـزمـن شـيــن لامــال = وش شفت من جور الزمان وميولـة
قلت الزمن سوى بي اهوال واهوال= ودنيـاي تـاخـذ كــل غـالـي تطـولـة
كـم غالـي منـي غـدت فـيـة رحــال= غـالـي ورا غـالـي تـقـفـي رحـولـة
يماخـذت نــاس لـهـم قــدر واجــلال= اقـفــت بـهم سودالـيـالـي عجولـة
نقـلـت مـنـهـا كـــل هـــم وغـربــال= فيمـا مضـى والـيـوم زادت حمـولـة
دنـيا تقـلـب كـل يوم عـلـى حـال= لو اقبـلـت يـومـيـن تـرجـع خـذولـة
لاجيتهـا فـي قـول قالـت لهـااقــوال= ولاحـدن يلاويهـا بهـرجـا تقـولـة
نرضـى لياليهـا علـى كـل الاشـكـال= ونقـبل بهـا لوكـان صعـبـا قـبـولـة[/POEM]