يالله ياللي طالبـك مابعـد خـاب***ويالله ياللـي كـل الاقـدار بيـده

[POEM="font="Simplified Arabic,5,black,bold,normal" bkcolor="black" bkimage="./images/backgrounds/7.gif" border="solid,4,black" type=2 line=0 align=center use=ex num="0,black""]

يالله ياللي طالبـك مابعـد خـاب=ويالله ياللـي كـل الاقـدار بيـده

ويالله ياللي دعوتك تفتح ابـواب=إنـك تحفـظ المملكـه والعقـيـده

وياللي غرستو بالوطن سم الأنياب=كـذا تجـازون الوطـن بالمكيـده؟

والله لامذهـب ولا ديـن وكتـاب=يقر فـي شرعـه نخـوف عبيـده

وين العقول النيره وين الألبـاب=لحـول منهـا هالقلـوب البلـيـده

كيف انجرفتو خلف جاهل ومرتاب=غرر بكم في نهجـه اللـي يريـده

أنا اشهد ان ماهوب للخير طـلاب=اللي غدا لإبليـس ساعـي بريـده

أنتو نسيتو إن الوطن دونه أشناب=تفـدي وطنهـا بالولـد والبديـده؟

دون الوطن لامن زما كل حـرّاب=قول وفعـل هـذه العلـوم الوكيـده

الحين ماينفع مشاريـه وعتـاب=الحين يجنـي كـل منكـم حصيـده

الحين والله دور قصاص الأرقاب=ضرب الحديده الموقـده بالحديـده

الكل منكم جاه فرصـه ولا تـاب=قد أعذر المنـذر وشوفـو وعيـده

حنا لأبو متعب مشاكيـل وإذيـاب=عهد ٍ مضى واليـوم حنـا نعيـده

وللوطن حنـا صناديـد وإحجاب=لاثارت الهيجـاء وصـارت وقيـده

يادار بإسم الله عليك من الإرهاب=أرواحنا مـن دون شبـرك زهيـده

[/POEM]


عبدالله بن فهد الهاجري

02/24/2006