ربعـــــي بلي

[POEM="font="Simplified Arabic,4,black,bold,normal" bkcolor="white" bkimage="./images/backgrounds/25.gif" border="double,6,purple" type=0 line=0 align=center use=ex num="0,black""] ربعي بلي يا عزوتي ياعز يافخر الشمال "=" يا عزوتي يا عزي اللي لاعتزيته ما يخاب
ربعي بلي وانا افتخر من وين ماشد الرحال "=" وافخر وافاخر وافتخر فيهم ولا بحسب حساب
حنا بلي حنا بلي يا ناشدن عنا تعال "=" لا جيتنا حياك بالسهلات والا بالصعاب
حنا بلي احفاد باشات الشيوخ من الرجال "=" احفاد ربعن صيتهم معتلي فوق السحاب
حنا بلي حنا تشهد الايام والسنين الطوال "=" حليفنا ما ينبلي ومع قدرة الله ما يهاب
بأفعالهم لو ينطق التاريخ انشهد كان قال "=" وبأفعالهم لو يكتب التاريخ دون له كتاب
المملكه هي دارنا جواب من قبل السؤال"=" والمملكه هي دارنا واغلى وطن واطهر تراب
وملوكنا أل السعود الشمخ اللي ما تطال "=" اخوان نوره عزنا بالطايلات وبالصعاب
حنا.. حنا لمن جانا نزل والا بغى منزال "=" نحب الجار مثل الدار ومن دونه تروح رقاب
ونحب الضيف واكرامه لنا عاده من الاجيال "=" وعادتنا بواجبنا نقوم ولا نصك الباب
حنا.. حناهل الفزعه لاضاقت على المدهال "=" حنا هل الجاه بعد الله للطالب من الطلاب
حنا ..حنا هل الدله مع ابهار الغلا فنجال "=" حنا هل الزينات ..والزينات نلفي بها كساب
شيوخنا من ربعنا مثل الشواميخ الجبال "=" قدرهم مرفوع عالي معتلي رؤس الرقاب
منــيــتي من فعلهم لا ذكرت اللي يقال "=" ودي اعيد الكلام الفين مره للشباب
عزوتي.. مالي غنى عنهم وهذا مستحال "=" واشهد من يقول انه غنــي عن عزوته كذاب
والله اني لاقريت اسم بلوي في كل حال "=" كنه اسمي ..واسم ابوي..اللي تدون بالخطاب
أخرتها يا عسى مزون السماء ينتثر منها الهمال "=" وتسيل وديان الغلى بديار ربعي والهضاب
والسموحه كان انا بالمدح مااوفيت الغوال "=" وكان انا قصرت والا اخطيت عن درب الصواب
اعتبر نفسي مقصر يا بلي في اهل الشمال "=" افتخر ..والمدح فيكم يفتخر شيب وشباب [/POEM] الشاعر
رجا سليمان الوابصي البلوي