لقافة طيش!

للصدفه كلمه في قلب الشاعر\فخرجت هذه المتواضعه

.
.


[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أحبك يالغرام اكثر من عيوني لو ازعلها=أحبك والعيون تقدّر العاشق عذاباته
على كيفي حياتي ودّي الليله اغازلها=وبرّد قلبي الهايم على كثر احتراقاته
تقابلنا بلا ميعاد وجرأه قمت اجادلها=لقافة طيش مجنونه ولاتسلم لقافاته
عرفت اني وقعت ومن يدورها يحصلها=عرفت ان الهوى علقه وكلت اليوم علقاته
تلعثم حرفي وكلّي على شوفة جدايلها=وهو بارد يناظرني يوزع بابتساماته
ذبحني!ثم قمت اصرّف الهرجه احايلها=يشد العين لعيونه ويشد العين لشفاته
سالته في ادب ودّي توصف لي حمايلها=غمز لي غمزه وقفّا! ولاعادت جواباته
وربي ماني بقدّه!وقبلي خلق هابلها=تجمّل حظي ووافق عقب قلة جمالاته
تقابلنا كثير وصار همي في مقابلها=احسني فاقد"روحي الين اشهق بجيّاته
امنّي بردي القارص دفا رملة سواحلها=وامنّي ليلي الموحش سنا نور بصباحاته
فصول اربع تمر العام وترجع في مكاحلها=فصوله غير ياعالم وتبلش باحتمالاته
تجاملني على حكيي تحسب اني اجاملها=نطق قلبي غلا من قلب واسترسل عباراته
اناادري كلمة\احبك\على لسانه تثاقلها=واناادري قلبه يغني بها ويعلّي اصواته
تعاهدنا على العفّه من اخرها الى اولها=انا لك وانتي لعمري الين اخر نهاياته
[/POEM]