مرثية

قصيدة مرثية

قالها الشيخ خالد بن مشعان بن فاجر بن شليوح العطاوي

في اخيه الشيخ تركي بن مشعان بن فاجر بن شليويح العطاوي

رحمه الله واسكنه فسيح جناته



[POEM="font="Simplified Arabic,5,blue,normal,normal" bkcolor="transparent" bkimage="" border="double,4,gray" type=2 line=1 align=center use=ex num="0,black""]حان القدر بأمر الولي عالـم الغيـب=والبشـر بأمـره سيتـه وحسنـاتـه

مرحوم ياللي صار تحت الطواليـب=رابع عشـر شعبـان حلـت وفاتـه

تاسع عشر هجري رحل معدن الطيب=عسـاه للجـنـة مقـيـل ومبـاتـه

مرحوم يا تركي حصـان الاطاليـب=يـارب تغفـر لـه وترحـم مماتـه

نبكيك والله كـل شبـان مـع شيـب=وعلاك دمـع العيـن هـل عبراتـه

عـز الله انـه وافيـاً فالمواجـيـب=فيه الشجاعة والكـرم مـن صفاتـه

عـزالله انـه وافيـاً فالمواجـيـب=فيـه المـروة كاملـه مـن صفاتـه

عـز الله انـه وافيـاً فالمواجـيـب=فيه الحمـوة وافـرة مـن صفاتـه

نطـاح والله للامـور الاصاعـيـب=ومشعـان قدامـه صفاتـه صفاتـه

وراد حيضـان المنـايـا الياهـيـب=وافعال فاجـر كلهـا مـن صفاتـه

رجل الرجولة في جميع التجاريـب=وبخيـت وشليويـح منهـم صفاتـه

ليته مع الحييـن لـو طـول الغيـب=نرجيه حيـاً لـو تطـول اسنواتـه

وامسيت صدري فيه حامي اللواهيب=عـلـى فقـيـدٍ فارقتـنـا حيـاتـه

لوعـات للدنيـا وهـاذي مكاتـيـب=واليا انتهى اجل البشر دنيـاه جاتـه[/POEM]