رحلة البال ..

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
جالس وحيد بغرفتي .. والسهر طال=نسيت نفسي .. واسرج البال خيله ~~

بين الوهم وحكاية النفس والحال=كانت حكاية الف ليله / وليله

كانت حكاية حلم / وجروح / وآمال=كانت حكاية عدل .. والفين ميله

هنا بداية عمر / وبيوت / وأطفال=هنا الفقر يلوي عناقيد جيله

أطفال كانوا . . بس كانوا عن ارجال=فالوادي اللي يستظل بنخيله

هنا غنى الفرحه من الجـــال / للجال=بوقت الحجف يسوى ثمانين كيله

هنا بداية طيب / وضيوف / وإدلال=ونجرٍ ومسمارٍ تخالط بهيله

هنا يذووووب الفقر .. ويقلّط الفال=هنا يدين الشح دايم ذليله

هنا مسائهم بالتعب يأخذ أشكال >>=أوجيه ناسٍ بالعطايا جزيله

هنا عرفت علوم وسلوم وأمثال=هنا ظلال أزوال جداً نحيله

هنا عرف إن الشرف يستر الشال=هنا الهوى مقرون باسم الفضيله

هنا مازال الشخص ما زال / مازال=يموت قلبه ما يهين القبيله

هنا يكون الطيب من طيبة الخال=وكلٍ بيده بس . . يكسب جميله

هنا إستحالة غول ماتقبل إجدال=ولا الخليل الكل صاين خليله

هنا صباح الكد يقتاته المال=وكلٍ مساء المغرب يناظر حصيله

هنا لاطاح الشخص ينقال : ياعيال=هـــذا بناخي كلبونا نشيله

هنا زمن جيره ومعروف ووصال=هنا تحس الناس بالطيب عيله

هنا عتبهم "وين راحوا" و "رحال"=هنا الثواني من وفاهم طويله[/POEM]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
هنا وقف هالأمس واستطرد البال=الوقتنا الحاضر وغربة دليله

هنا أشوف اهوال واشكال وازوال=هنا احترامٍ لليدين البخيله

هنا يتشيخ لاش في سلطة ريال=هنا نفوس من الدنائه عليله

هنا اللصوص تصير رمزٍ للابطال=والغايه تبرر >> طريق الوسيله

هنا زمان أقوال مع ندرة أفعال=ووجيه تتنيل بستييييييين نيله

هنا الرجل مفهومها : مال / وأعمال=هنا الصداقه يعني : تنشر غسيله

هنا الذكاء منسوب لإنسان محتال=هنا النميمه عند خشم الفتيله[/POEM]هنا

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
هنا يضيق الكون من ضيقة الحال=هنا رجول الوقت تعجز تشيله

هنا جميع الكون في ناظري آل >=لـــ سقوط مدوي بالضلوع النحيله


هزيت كتف الوقت واستيقظ البال=وهديت نفسي / واسرج الوعي خيله

مازال باقي طيب مازال / ما/ زال=لسى الحياه بخير بأهل الفضيله


وبين الوهم وحكاية النفس والحال=هذي حكاية : الف ليله / وليله[/POEM]