يــــــــــــاربعنا,, لفهد عافت!!

[POEM="font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
ياربعنـا مايعتـذر كـود غلطـان=وانا عجزت القى خطا فـي خطايـا

ان قلتـوا ماتـعـوذت شيـطـان=نفسي لاني شفـت سـود النوايـا

قدامكم ربـي بلانـي بمـن شـان=فعله معي لين اظلمـت بـي سمايـا

زل وكتمت وزل وازددت كتمـان=وازداد فـي غيـه وجانـي بـلايـا

اعطيته الصافي من العلـم خلصـان=من غير ما اسال من معـاه ومعايـا

وان كان هو من رشفة ابليس سكران=سكران انـا بغبـار خيـل الطنايـا

عاداتها تقبـل تقـل مالهـا ارسـان=وعاداتنا نهـدي ضحانـا ضحايـا

من مثل شمر علقوا يـوم الاكـوان=ارواحهـم عقـد بجيـد المنـايـا

حنا الضياغـم والزقاريـط نيشـان=فـي جبهتـي زاد المزايـا مـزايـا

وانا ولد عافت سلايـل كحيـلان=على اسم جدي والاسامـي وصايـا

ياشين يوم الطيـب نجـر وضيفـان=منـا العطايـا تستمـد العطـايـا

ياشين يـوم العـز خيـل وفرسـان=ربعي عصا موسى وربعـك حيايـا

ويومك قنعت بسقف واهي وجدران=الضيغمي للشمـس حـث المطايـا

لاانته بجنبي طيـب اوعـز او شـان=ولاانته بقدامـي ولا انـت بورايـا

الله بلانـي بـك ولانـي ببلشـان=لاشـك ودي ينطحونـي قـوايـا [/POEM]