تويت
[POEM="font="Simplified Arabic,5,black,normal,normal" bkcolor="transparent" bkimage="./images/backgrounds/65.gif" border="none,4,gray" type=2 line=0 align=center use=ex num="0,black""]ان عاش راسي ومهلتني ظروفي=لجيك لو دونك عساكر وحراس
لجيك لو كل الاوادم تشوفي=واكلمك كلمه من الراس للراس
لجيك لو كل الضواري تحوفي=لو كان بعض الوضع بالحيل حساس
واعطيك نبذه عن اماني وخوفي=هرجة حنك ماهي كتابه بقرطاس
واشرح لك الموضوع واعطيك واوفي=وافصله تفصيل في قدر واقياس
وان رحت دنيا ماعليها حسوفي=ياما غدت في ناس من خيرة الناس
راحت بناس يملكون السيوفي=بعد الحلاوه شربتهم من الكاس
عقب السطر راحوا سوات الضعوفي=ولي حياتا كلها امكاس بمكاس
عاشت بها ناس تهز الكتوفي=والذيب صار يخاف من بطش الابساس
خفير سولانه ورايس وكوفي=صاير لهم في قمة المجد مجلاس
تهديدهم واضح بكل الصنوفي=والمشكله معروف في مؤتمر فاس
يبغون دين الناس شوعي وصوفي=ولاهمهم لوصارت اشكال واجناس
لعلهم في عاجلات الصروفي=كوارثن تنزل على ارقاب الاخساس[/POEM]
قصيدة الشاعر / عــــبـــد الكريــــم الصويدر البلوي
تعليق