تويت
وجدي عليها
.
[POEM="font="Simplified Arabic,5,darkblue,bold,normal" bkcolor="transparent" bkimage="./images/backgrounds/15.gif" border="groove,9,gray" type=2 line=0 align=center use=ex num="0,black""].
وجدي عليها وجد مضمي على بير=تقطعت دون الموارد حباله
غدى عليه الجو عج ومعاصير=ايّس ولاتعرف يمينه شماله
وجاه الفرج من عند وال المقادير=بعد العذاب اللي طواه وجراله
جوله طريقيه اعجالاً مداوير=وكلاً يقول اشرب من الماء زلاله
عليك ياسيد البنات الغنادير=طويتني طي الرشا بالمحاله
خليتني لااغدي ولاامشي ولااسير=مثل الهجير اللي محدد لحاله
وهموم قلبي بين ورد ومصادير=كنه على جمراً يزيد اشتعاله
وعزاه ياقلباً على واهج الكير=تلعبه الاحداث محدٍ دراله
من شانها قضيت وقتي مشاوير=متحملٍ جور الزمان ونكاله
ايامنا ترسل اشارات تحذير=الوقت الاول صار وقتٍ بداله
العمر ماضي والليالي مدابير=والناس هذا شد وهذا انزاله
مادامت الدنيا لبو زيد والزير=حتى القمر بعد اكتماله اهلاله
مانملك الا قول يالله عسى خير= يامدبر الدنيا عليك السهاله
ياعالم اللي صار واللي يبى يصير =عفوك ليا حطت علينا الجلاله
تنجي عبادك من عذاب وزمهرير=انت الكريم اللي عباده تساله
نرفع لك ايدينا ذلالٍ مصاغير=العود واللي تحت سن الوكاله
[/POEM]
الشــــــــاعر / عـــبـــدالكــــريم الصـــــــــويدر
0
تعليق