تويت
ياطير
ياطير حلق ورح لريش العين وقله
ليش الجواب له يومين ماجاني
شفه وش فيه ابطى ووش حله
وليش الجواب الى الحين مالفاني
شفه وعطني اخباره ووين محله
وواصف حاله لي من غير نقصاني
وقله ياطير صاحبك فيه مليون عله
واصبح من غيبتك شخص مرضاني
وصار الحزن والهم له صداقه وشله
وطول وقته سارح في عالم ثاني
ياشينها ياناس فرقاء الخلْ عن خله
وياشين حياه من عاش لحاله وحداني
بعد ماكان وياها ساكنآ في فله
اصبح اليوم في غربه تذبح الشجعاني
والعذر والسموحه ياناس من اي زله
هذا لحن المشتاق عزفه لكم فيحاني
كتبتها في رساله عاجله ومنحله
عنوانها احبك موت يانور العياني
وسلامتكم
قصيدة من قصائد
للشاعر / فيحان العتيبي
تعليق