حنا حماة الـدار

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جاني سلامك يابو جازي و مشكـور=يامرحبا بـة عـد مـاخط الاقـــــــــلام
ساعة لفانـي خاطري منـة مســرور=حيث أن عنـدك للوطـن حب والمـام
يابن زعـل ما نجحـد الحـق و النور=أنتم حماة الدار مـن قـدم الايــــــــام
يـوم انها في دورهم قبل هالـــــدور=تلقـاء منازلهم على دروب الاثــــــلام
تشهد لهم حـومـل على فعل مخبور=عنـدك خبـر بفـعالهـم يابن سطــــــام
يـوم المعادي حافهـم و ارسل سبور=قـعـد لهـم مـع طلعـت الشمس ضـرغام
يصـوعهـم صوع الضباء بم ناظـور=وأقفـن بلـويـفي منهـزم عقـب الاقـدام
وسعود طاح بدربهـن من على الكور=و ثـنين عندة مابهـم واحـدا ً قــــــام
عافـو طمعهـم وانكف الغـزو مكسور=ينعـون ثـامـر فـوقـة الطيـر حــــــوام
لعـيون و ضحـا ً كنهـن و بل شختور=مـثل البـرد ولا كما فـــوج بـخيـــام
و ضـحن لبو شـامة لهـن ذكرمشهور=مـاروحـوا عـدوانهـم فيهـن اقــســـام
مـرباعهـن مــابيـن دلبح الى الـزور=تـرعـى زمـاليـق اليهــق كـل مــرزام
يـوم انها في طـولت الباع وشــــبور=مـادوجــو بـديــارنا قــوم ظـــــــــلام
حـنا عـوانيهـا عـن الظـلم و الجــور=مـن رأس ابو شـضـوة الى رجـم عـزام
واللي تـناسـا ديرتـة ذاك مـغــــــرور=هذا الوطن لـة عنـدنا عــز و أكــــرام
يـامـا لنـا في دارنا خيــر مـذخـــــور=هــي أمنـا و حنـا على صــدرها وسام
مـاها قـراح و نبتهـا عـلاج دكتور=إيـقال مـن بعـض الشجر تبـراءالاسقام
تـلقـا الجـوازي مـن شفا عناز وحدور=مـاحـدة الريشـة على ذيـك الاخشام
يـوم أن طـراد الوحش ماهـو محـذور=راحت مع ناسا ً صاروا تـراب وعظام
واليـوم لـو تـذبح مـن الطير عـصفـور=حـمايـة البئيـة تـدينـــك بالاجـــــــرام
[/POEM]