متابعة مباريات كأس خادم الحرمين الشريفين

**عاشق سراب** · 10-30-2006, 11:10 PM

[grade="ff4500 4b0082

0ff

F4a460"]
الله يخلي لكم خليل جلاك بصراحه فضيحة جلال بجلاجل
كل ها الفرحه علشان بس الفوز على الآتي كيف لو فزتم على العالمي .
أتمنى من كل قلبي أن يفوز الهلال بدون مساعدة الحكام
الله يرحمك ياعبدالرحمن بن سعود لا أنسى ما قولتك عندما قلت ((أعطوا الهلال الكأس وتركوا الباقي يتنافسوا على الثاني بشرف ))
الف مبروك على ها الفرحة !
[/grade]

**ياسر حمدان المقبلي** · 10-30-2006, 11:32 PM

بعيداً عن العصبية اخوي عاشق
الكرة فن وذوق راقي

**عاشق سراب** · 10-31-2006, 12:09 AM

بعيداً عن العصبية اخوي عاشق
الكرة فن وذوق راقي
الف شكر لك واكرر أعتذاري
ولكن كانت وجهة نظر حول المبارة

drawGradient()

**محمد الرموثي** · 10-31-2006, 12:23 AM

نعم الكره فن وامتاع ولكن يشوها التعصب الزايد

**أبو أسامه** · 10-31-2006, 02:03 AM

نفسي اعرف الجمهور الاتحادي مخلي النصراويه محامين عنهم .

لا حول ولا قوة الا بالله

خلونا نفرح بالفوز من حقنا

ول

**ياسر حمدان المقبلي** · 10-31-2006, 02:56 AM

من ابسط حقوقك ابواسامه
افرح

**نادر البلوي** · 10-31-2006, 07:11 PM

عااااااااشق سرااااااااب ؟؟؟؟؟؟؟؟؟؟؟؟؟؟؟؟؟؟
لما قريت ردك جت فوق راسي علامة تعجب من كلامك ليييييييييييييييه غش
عبدالرحمن سعود الله يرحمه اثر عليكم مقوووولته المشههورة( المباراة غش الحكم مع الفريق الفلاني)
وبعدين اترك التعصب شوي وخلنا على قولت ابو اسامة نفرح شوي "اعوذ بالله اكلونا"

**عاشق سراب** · 10-31-2006, 09:56 PM

[grade="ff4500 4b0082

0ff

F4a460"]
أفرحوا بس لاتنسوا العالمي بإنتظاركم والكأس نصراوي
[/grade]

**فهد الفاضلي** · 11-01-2006, 04:34 AM

سراااااب
انتبه لاتتحدى مثل بعض الناس وبعدين اذا انهزمتم تقولو كنكم اخذتم بطوله خلك قد التحدي
وارجو انا لا تتعذر بالحكم
لان الزعيم مهما سوى تقولو غش
حارق دمكم هذا الزعيم تعرف وش معنى الزعيم
مهو العالمي
طيب ابي اطرح سؤال واتحدى اللي يجاوبه
كم عام النصر (العالمي ) ما اخذ كاس؟
ِ

**محمد الرموثي** · 11-01-2006, 01:50 PM

فهد انا اجاوبك

اخر بطوله اخذها النصر بطولة كأس السوبر الاسيويه عام 1998م

يعني النصر له 8 سنوات ما اخذ بطوله

بس الملعومه التي ما اظن ان اغلب الهلاليين يعرفها

ان الهلال جلس 13 سنه لم يأخد بطوله واحده وكانت من 1384 ـ 1397هــ

يعني النصر الى الحين اشوى من الهلال

**عبدالرحمن الرموثي** · 11-01-2006, 03:19 PM

يعني مسووين فيها يا هلاليه

والله لو انهزم الهلال مأحد تكلم المباراة انتهت لها يومين

يأاذا براسكم شي حركو القسم الرياضي

تخيل مباراة النتر والميلان اقوى ديربي في العالم

ماحد درى عنها انا اجزم لو تابعتم المباراة

وا تتابعون لا الهلال ولا الاتحاد ولا حتى البرشا والريال

انا انتقد الكسل والنوم في قسمنا الرياضي

يأخي اذا ما عندك خلفية عن الدوريات العالمية اعطنا رايك

واكتب توقع للمباراة ماهو واحد ولا اثنين يردون

**فهد الفاضلي** · 11-02-2006, 04:29 AM

طيب مشكور اخوي عبد الرحمن
بس طيب انا ملاحظ ان
المنتدى كله معصب خلونا نفرح
وخلاص سكرو على موضوع الهلال والاتحاد ياشباب
مشكور اخوي عبد الرحمن بس انت لاتعصب

**ياسر حمدان المقبلي** · 11-02-2006, 04:50 AM

المشاركة الأصلية بواسطة عبدالرحمن الرموثي

يعني مسووين فيها يا هلاليه

والله لو انهزم الهلال مأحد تكلم المباراة انتهت لها يومين

يأاذا براسكم شي حركو القسم الرياضي

تخيل مباراة النتر والميلان اقوى ديربي في العالم

ماحد درى عنها انا اجزم لو تابعتم المباراة

وا تتابعون لا الهلال ولا الاتحاد ولا حتى البرشا والريال

انا انتقد الكسل والنوم في قسمنا الرياضي

يأخي اذا ما عندك خلفية عن الدوريات العالمية اعطنا رايك

واكتب توقع للمباراة ماهو واحد ولا اثنين يردون

على يدك اخوي عبدالرحمن حرك القسم الرياضي
.

**أبو أسامه** · 11-02-2006, 10:40 AM

يعني مسووين فيها يا هلاليه

ايوه مسوين فيها مبسوطين ان الدربي السعودي انتهت هلاليه .
ولا الفرح له وقت محدد .

يأاذا براسكم شي حركو القسم الرياضي

سبحان الله طيب انتم يا نصراويه بدل النقار وترك الهلال والهلاليين بحالهم حركوا المنتدى .

اما بالنسبة لديربي أيطاليا انا ما عندي الجزيره بعد انسحابها من art.
وديربي اسبانيا ليلة العيد .
يعني ما بقى الا ديربي السعوديه

اخوي عبد الرحمن
الدعوه بسيطه اشفيك قايم علينا، الهلال فاز وحبينا نعبر عن شعورنا
اما بالنسبة لتحريك المنتدى الرياضه ترا ماهو زي اول بكثير وخاصه بوجود محمد الرموثي واتمنى بالايام القادمه افضل وافضل ان شاء الله .
ولك منى ارقى واحلى تحيه .

**عمر الفاضلي** · 11-02-2006, 07:34 PM

أولا / أحب أن ابارك لكل هلالي على هذا الفوز المستحق وأخص بالذكر

زعيم رابطة مشجعين الهلال في المنتدى ابو اسامه
سلمان العرادي
فهد الفاضلي
نادر البلوي
عبد الوهاب البلوي
أحمد الفاضلي
المبدع

.................
ثانيا / أحب ان اعلق على بعض ردود الأخوان

محمد الرموثي
أن تقول (أن الهلال استفاد من النقص )الهلال ضاغط على الإتحاد من بداية المباراة وبعدين مو ذنب الهلال

وتقول (هدف الاتحاد كباري) اهم شي المستوى والنتيجه والله المفروض النتيجه 5-1

وتقول (والله ياهلالين كنكم فايزين بالدوري) الفرحة حق مشروووووووع لنا

.................
عاشق سراب
أنت تقول ( الله يخلي لكم خليل جلاك بصراحه فضيحة جلال بجلاجل )
ياخي اي فضيحه الهلال يستحق الفوز 100 % لاعبي الإتحاد قالبين المباراة رفس و وطي

وتقول ( أتمنى من كل قلبي أن يفوز الهلال بدون مساعدة الحكام ) ابشر يا عاشق إن شاء الله عن قريب
انزل لك موضوع يحتوي على ادله لتعرض الهلال لظلم تحكيمي ياخوي التحكيم عندنا هنا فاشل والهلال تعرض لظلم زيه زي غيره لكن الفرق أن الإداره الهلاليه إداره وااااااااااااااعيه ليست كإدارة .... تحارب التحكيم وتترك امور النادي
وتقول (الله يرحمك ياعبدالرحمن بن سعود لا أنسى ما قولتك عندما قلت ((أعطوا الهلال الكأس وتركوا الباقي يتنافسوا على الثاني بشرف ))
) وأنا اقول قال صلى الله عليه وسلم ( اذكروا محاسن موتاكم ) ولا تكلمنا عن هذه النقطه
وتقول ( أفرحوا بس لاتنسوا العالمي بإنتظاركم والكأس نصراوي ) اتمنى منكم ادارة وجماهير هذا النادي أن تنتشلوا النصر من شبح الهبوط

................
عبد الرحمن الرموثي
انت تقول ( يعني مسووين فيها يا هلاليه

والله لو انهزم الهلال مأحد تكلم المباراة انتهت لها يومين

يأاذا براسكم شي حركو القسم الرياضي

تخيل مباراة النتر والميلان اقوى ديربي في العالم

ماحد درى عنها انا اجزم لو تابعتم المباراة

وا تتابعون لا الهلال ولا الاتحاد ولا حتى البرشا والريال

انا انتقد الكسل والنوم في قسمنا الرياضي

يأخي اذا ما عندك خلفية عن الدوريات العالمية اعطنا رايك

واكتب توقع للمباراة ماهو واحد ولا اثنين يردون )

ماشاء الله عليك أخوي عبد الرحمن شكلك فاهم كوره

اعتقد أن الفرحه حق مشروع لنا <<< يعني وش محرق رزك ههههههههه

وانت تقول ان القسم الرياضي فيه النوم والكسل والله ظلمت نفسك بالعكس المنتدى الرياضي شعله بوجود الزعيم ابو اسامه والكتاب محمد الرموثي ونادر البلوي و عاشق السراب و فهد الفاضلي ...

..................

يا عالم الهلال افضل نادي سعودي وذلك بسبب :
1) اكثر الأنديه السعوديه تحقيق للكؤوس .
2) اكثر نادي شرف الكره السعوديه .
3) اكثر نادي خدم المنتخب من خلال لاعبيه واكبر دليل على ذلك البطوله الأسيويه الماضيه خسرها الهلال لعيون المنتخب .
4) نادي محافظه على مستوه <<< الله يرحم الإتحاد قبل عشر سنوات كان حده المركز السابع ,, النصر وصل للعالميه وبعدها .... الآن يصارع الهبوط ,, صدق المثل ( الوصول للقمه سهل ولكن الأصعب المحافظه عليها )

نأسف على الإطاله لكني لم ادخل المنتدى من يوم الأحد

متابعة مباريات كأس خادم الحرمين الشريفين

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق