نغمة جوالي

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]السالفه ماهي تماثيل وابيات=السالفه شاعر وشعر ومسيره
يجزع اذا مسوا رجال الكرامات=ولاارضى على الاجواد كبر الشعيره
والمسأله لوهي مزاح وضحكات=وصل معاي الامر حاجه خطيره
حطيت شعر رجال الامجاد نغمات=وضحكو علي أهل الشبور القصيره
قالوا تخلف قلت هيهات هيهات=لعلومكم يابايقين القصيره
مير اسمعن يااكلات النباتات=اصواتهم شجون قلبي تثيره
افضل واخير من الطرب للغنايات=واعز من هذاك لاطق زيره
اطرب لشعر اهل الوفا والشكالات=اهل المراجل والسيوف الشطيره
حطيت موالين تبع بشيلات=لمنيف وثنيان نار السعيره
فخراً بهم عن صوت هيفا وعنايات=وحب بهم عن كل نغمه مثيره
رجال عرف ومن أصول عزيزات=امجاد سواة شمس الظهيره
بن منقره يطرق طروق عسيرات=وعنده قريحة شعر جداً قديره
ومن نسل قوم يوم االايام عسرات=عزومهم مثل الليالي عسيره
لهم بوقت الحرب جيش وغارت=ووقت الكرم تلقى وجيه سفيره
متسلسلن من روس بلي البشوات=اهل الفعايل والحظوظ الكبيره
افعالهم مثل النجوم المطلات=وفوق النجوم العاليات المنيره
ماتحصرفعول النشامى سجلات=ولو جيت اعددها لك الله كثيره
وابن سروراله مع الشعر وقفات=ويغرف من بحور غزيرات
اغليه واحبه من الروح والذات=لوكان ماشفته للحظه قصيره
لآنه سليل اهل الشرف والمباهات=اهل الشجاعه والسيوف الشهيره
من روس عبس اهل البيوت الرفيعات=اهل المواقف لااخلف الوقت سيره
افعالهم فوق القمر والمدرات=وعدوهم بالحيل صعبن مصيره
لباسة الجوخه نهار المثارات=وكم كسبوا من طرش قوم وعشيره
سمعت ياراع العلوم البسيطات=احذر ترى الدنيا رحى مستديره
مره تجي باصوات واحيان بسكات=وتبيح المكنون وسط السريره
والرجل يدرى كلمته قبل الافوات=ويحذر تجيه الخمس تدوس نظيره
والسالفه ماهي مزايح وبسمات=ولولا ولولا كان جتك الاخيره
بس احمد المعبود رب السموات=على الامن في ظل صقر الجزيره[/POEM]