تويت
مساكم الله بالخير جميعاً هذه اول مشاركاتي في هذا المنتدى الجميل اتمنى ان تحوز على أعجابكم
[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/26.gif" border="none,4,gray" type=2 line=0 align=center use=ex num="0,black""]فنجالك اللي يغث الروح لي سوقه=فنجالك اللي سقالي عروق ضميانهلو كان موتي فيدك اليوم لا ذوقه=شرهان قلبي وأنا والعين شرهانه
أدخل حشى اللي شكى للقلب معشوقه=وسكن خلايا وريد الدم وشريانه
وسكن عيوناً لجل رؤياك مسروقه=ورموشها اللي عليك اليوم ذبلانه
أنتي ربيع الهوى والشمس وشروقه=وأنا وروداً لضوء الشمس ولهانه
وأنتي بحور الهناء والموج وطروقه=وأنا سفينه في سوط بحور غرقانه
وأنتي سحاباً تفز العين لبروقه=وانا ليالي تحرا البرق سهرانه
القلب حراً قطعت اليوم أنا سبوقه=القلب حر ويحب اليوم شيهانه
أنتي ملاكاً عن الحلوات مفروقه=وصفك غريباً وفيك عقول حيرانه
أنتي ملاكاً ولجل العشق مخلوقه=أخاف ربي لا قول اليوم رهبانه
إن غبت عني تصير النفس محروقه=هايم بحبك يا بنت الروح هيمانه
حبست قلبي وحبست الدم بعروقه=وحبس عيني وحبس الروح من شانه
وسرح بفكري كما اللي يسرح بنوقه=عطشان وصدر وحتى النوق عطشانه
وفنجالك اللي يرد الروح لي سوقه=يدفي جروحاً في وسط القلب بردانه[/POEM]
تعليق