بوسط الحضيره (قصيده للشاعر : سليمان بن صامل العرادي)

[POEM="font="Simplified Arabic,4,black,bold,normal" bkcolor="transparent" bkimage="./images/backgrounds/6.gif" border="none,4,gray" type=0 line=1 align=center use=ex num="0,black""]
قلته وأنا كني بوسط الحضيره=باب الوناسه مغلقاً بالترابيس
والله هو اللي عالماً بالسريره=عالم خفيات الضمير المراميس
لحداً مشاورني ولا مستشيره=عاده قديمه شبها بالغطاليس
وشبيت لي في تالي الليل نيره=علي لجات الروابع كراديس
وجبت الدلال محاضيات السعيره=وخليتهن على وقدها محابيس
وسويت فنجالي بعرف وبصيره=بناً وهيل وعود مثلوث بالقيس
وخذت منها صبة وتعميره=لا شك عيت لاتروح الحواسيس
ما فارقني طول حبة شعيره=يا صلن قلبي مثل صلي المحاميس
يوم الصديق اللي حسبته دخيره=نست عليه من جنابه نسانيس
والصاحب اللي فيه شكاً وغيره=صبرك شوي ويضهرن المداسيس
يبدي لك اللي خافياً في ضميره=اليا عطوه مكثرين الوسايس
ناساً تجيني فالسوالف مغيره=صحيح ولا كذب ماهي نواميس
وهرج العرب ماني مردد ننشيره=اللي صدق واللي نهج منهج ابليس
وسوالف الدنيا طوال وكثيره=ما تنحصي في حبرها والقراطيس
[/POEM]