قصائد شعرية ، محاورات شعرية ، قصائد وشيلات صوتية .

رائعة الطلحي

تقليص
X
 
  • الوقت
  • عرض
إلغاء تحديد الكل
مشاركات جديدة
  • طلال الهريم
    عضو جديد
    • 7 - 10 - 2005
    • 370

    #1

    رائعة الطلحي

    جمعني هذا المساء لقاء بالشاعر الكبير عبدالله الطلحي احد اصدقاء قبيلة بلي والعزيز على قلوبهم سمعت منه هذه الرائعة في الرجولة والحكمة واردت ان اضعها بين يديكم
    [POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
    معوّض خير ياحيٍ تهقوى في الزمان ومـال=سنينك لو رقيـت بعدلهـا يطرحـك مايلهـا
    تعلّم وإعرف إن الدرب قدامك سهـل وجبـال=جبـال تطولهـا وجبـال بعيونـك تخايلهـا
    ومعوّض خير ياحيٍ وردت الماء بدون حبال=يطول بك الوقوف وشربة المـاء ماتحصّلهـا
    وقوفك عند راس البير مايسقيك لـو فنجـال=ولاينفعك شوف الجمه اللـي منـت طايلهـا
    ومعوّض خير ياحيٍ خدعك من الرجال أشكال=تشوف أشكالها وتحطها أرفـع مـن منازلهـا
    تعلّم من زمانك لاتصير من أجهـل الجهـال=ترى في كل يوم تجيـك عبـره لاتجاهلهـا
    إذا ربي وهب لك عقل تلقى في الرجال رجال=تعرف اللـي يطلّـع قيمتـك واللـي ينزلهـا
    ترى من بعض مايندي الجبين ويحرج الرجال=لياسـاق الميانـه فـي نـفـوسٍ ماتقبّلـهـا
    ومهما شفت في صاحبك من نخوه وطيبة فا=لترى بعض السجايا كثـرة الإلحـاح يقتلهـا
    معاريف الرجال ديون وديون الرجـال ثقـال=لياصرت متعافي ليش تغـرق فـي جمايلهـا
    رصيدك في حياتك سمعتك مع طيبين الفـال=رجال الطيب والمعروف بالمعروف عاملهـا
    ولاتبدي بجاهك فـي مقـامٍ مايسـر الحـال=ولاتشفـع لنـاسٍ ماتنومـسـك بفعايلـهـا
    لياجاتك تعذّرهـا مـدام العـذر لـه مدخـال=ووقت الجد قول لهـا الصحيـح ولاتجاملهـا
    وخذ مني نصيحـه لاتصـدق كـل ماينقـال=يجـرك للنميمـه ليـن يطرحـك بحبايلهـا
    يجيلك ناقل النمّـات بهـروجٍ تغـث البـال=سوالف في قفاك وحظك أطيب يـوم تجهلهـا
    يبـرر بالحميـه والصداقـه شينـة الأفعـال=يجمّـل صورتـه بعلومـه اللـي ماتجمّلهـا
    ولو كانت حميه فيك رد المخطيه فـي الحـال=ولاكان إستمعها فـي قفـاك وجـاك شايلهـا
    ترى من جاب لك ودّى وهذي عـادة النقـال=يحاول يقتنص من فمك كلمـه لأجـل ينقلهـا
    ومثل ماقال عندك راح عنك وعند غيرك قال=وزوّد عشر فوق الكلمه اللـي كنـت قايلهـا
    تجنّب مجلسه لاتجلس إلا مع كريـم خصـال=تحمّـل ميلتـه وإن ملـت ميلتـك يتحمّلهـا
    ولاتصبر على الجار الردي لوهي ثلاث ليال=تضـرك جيرتـه لوكـان بيبانـك تقفلـهـا
    وبيع الدار بأول سومةٍ تعرض علـى الـدلال=ورزقك عنـد ربٍ كاتـب اللقمـه وكافلهـا
    وبنتك لاتزوجها الردي لوهـو كثيـر المـال=تربيهـا علـى الطـالات وتشـوّه سلايلهـا
    وكم من لاش يرمي خيبة إبنه فوق راس الخال=لوإن الخال من روس الرجال ومـن دلايلهـا
    ليامنك عرفت تميّـز الطيّـب مـن البطـال=وفادتك التجارب في الحيـاة وفـي مسايلهـا
    وكشفت الفرق مابين الصحيح وحيلة المحتـال=وتعلمت الفراسه فـي الوجيـه اللـي تقابلهـا
    بعد هذي ترى مالك غنى عن صحبة العقّـال=يدلونـك بـرايٍ ينقـض الدعـوه ويفتلهـا
    يقولون الرجال اللي سوالفهـم حِكـم وأمثـال=ليامن ضاعت الحيلـه يـدل القـوم عاقلهـا
    نصيحة واحدٍ جرّب وشاف من الزمان اهوال=يقدّم لك خلاصـة هجـرةٍ جـرّب هوايلهـا [/POEM]
    [FRAME="11 70"]قد يُدرك المتأني بعضَ حاجتِه وقد يكونُ مع المستعجلِ الزلَلُ[/FRAME]
  • عبدالكريم الصويدر
    (شاعر ) مستشار المنتديات الأدبية
    • 30 - 11 - 2005
    • 740

    #2
    رد

    اخي طلال الهريم
    تحيه طيبه وبعد
    لله درك وسلمت على نقل هذه الرائعه وصح لسان قائلها الشاعر الطلحي وبارك الله به على هذه القصيده التي تعتبر من عيون الشعر واجزله 0 فسجل اعجابي بهذه الرائعه وكل عام والجميع بخير وعافيه
    سبحانك اللهما وبحمــــــــــــــــــــــــــــــدك
    اني كنت مـــــن الظالميــــــــــــــــــــــــــن
    -0 عبدالكريم الصويـــــــــــــــــــــــدر0 -


    تفضل بالاطلاع على ديواني
    http://www.bluwe.com/diwan/forumdisplay.php?f=106

    تعليق

    • محمد حمدان العثماني
      شـاعـر
      • 17 - 2 - 2006
      • 901

      #3
      طلال الهريم

      شكراً لك على نقل هذه الرائعه الجزله و صح لسانك ولسان الشاعر الطلحي

      تحياتي
      ألا يــــــــــالله كان اللي بقى لي في العـــــــــمر


      (ليلـــــة)..!!!

      عسى آخر جلوس لي



      يكون بحضن


      (سجــــــاده)....!!!!!

      تعليق

      • رضا محمود المعيقلي
        عضو جديد

        • 30 - 1 - 2006
        • 3022

        #4
        طلال ..

        صح لسانك .. ولسان قايلها الطلحي ..

        فعلا هي رائعه .. تحياتي لك
        سبحآن الله وبحمدهـ
        -
        سبحآن الله العظيم
        .

        تعليق

        • ابوفالح
          عضو جديد

          • 5 - 12 - 2004
          • 1130

          #5
          عبدالله الطلحي الهذلي شاعر جزل .. جزيل شكري وامتناني للاخ /طلال الهريم على تزويدنا بهذة الدرة ..

          تعليق

          • طلال الهريم
            عضو جديد
            • 7 - 10 - 2005
            • 370

            #6
            شكرا لمرور الاخوة والاعزاءالشعراء
            انا اعجبتني القصيدة وخصوصا ثلاث مقاطع هي

            معاريف الرجال ديون وديون الرجـال ثقـال..لياصرت متعافي ليش تغـرق فـي جمايلهـا
            والثاني
            .يجيلك ناقـل النمّـات بهـروجٍ تغـث البـال...سوالف في قفاك وحظك أطيب يـوم تجهلهـا

            يبـرر بالحميـه والصداقـه شينـة الأفعـال...يجمّـل صورتـه بعلومـه اللـي ماتجمّلهـا
            ولو كانت حميه فيك رد المخطيه فـي الحـال..ولاكان إستمعها في قفـاك وجـاك شايلهـا
            .
            والثالث وهي حكمة

            وبنتك لاتزوجها الردي لوهـو كثيـر المـال...تربيهـا علـى الطـالات وتشـوّه سلايلهـا
            وكم من لاش يرمي خيبة إبنه فوق راس الخال...لوإن الخال من روس الرجال ومـن دلايلهـا
            [FRAME="11 70"]قد يُدرك المتأني بعضَ حاجتِه وقد يكونُ مع المستعجلِ الزلَلُ[/FRAME]

            تعليق

            • نواف النجيدي
              عضو جديد

              • 18 - 10 - 2005
              • 16947

              #7
              طلال الهريم مــــــــــــــــــــبدع أخي الغالي
              تقبل تحياتي
              الزاد



              الطَــــرِيق طـــــــــوَيل ... لكن حتَمـاً بأمر الله [سَأصل ]



              تبوك

              تعليق

              • طلال الهريم
                عضو جديد
                • 7 - 10 - 2005
                • 370

                #8
                حياك الله اخي الزاد وزادنا بك صلة
                [FRAME="11 70"]قد يُدرك المتأني بعضَ حاجتِه وقد يكونُ مع المستعجلِ الزلَلُ[/FRAME]

                تعليق

                • معيض ابراهيم الرموثي
                  عضو جديد

                  • 27 - 5 - 2003
                  • 4462

                  #9
                  صديق بلي الشاعر عبدالله الطلحـــــــــي

                  صح لسانك على هذه القصيـــــــــدة الجزلة بقوة معانيها

                  مشكور طلال الهريم للنقل المميز والاختيار الموفق ..

                  تعليق

                  • سلطان البوي
                    سلطان بن سعد الوثر

                    • 25 - 9 - 2006
                    • 1960

                    #10
                    الله الله الله


                    صح لسان قايلها

                    ووصل لي سلامي عليه

                    طلال الهريم


                    سلمت يمينك اللي نقلت لنا هالجزلة الجميلة

                    تحياتي لك

                    وتقبل خالص إعجابي بالقصيدة وبنقلك
                    ليت دربي ودربك يلتقوا .. لو بحفرة
                    إحسب انّك حبيب وتحسب انّي معادي

                    تعليق

                    • طلال الهريم
                      عضو جديد
                      • 7 - 10 - 2005
                      • 370

                      #11
                      الاخ العزيز معيض شكرأ لعبق مروركم ونتمنى لقائك في القريب
                      الاخ العزيز سلطان سلمت انت ايضا على هذا الذوق الرفيع
                      [FRAME="11 70"]قد يُدرك المتأني بعضَ حاجتِه وقد يكونُ مع المستعجلِ الزلَلُ[/FRAME]

                      تعليق

                      • غازي الميهوبي
                        شاعر
                        • 25 - 7 - 2005
                        • 868

                        #12
                        الهريم 00

                        مشكور قصيده محترمه من شاعر

                        محترم00
                        اللهم ثبتنا على الحق ماحيينا واجعلنا من عباادك الصالحين

                        تعليق

                        • مقناص
                          عضو جديد
                          • 25 - 9 - 2006
                          • 696

                          #13
                          طلال ..

                          صح لسانك .. ولسان قايلها الطلحي ..

                          فعلا هي رائعه .. تحياتي لك
                          [glow="0FF"]مقنــ [blink]محمد ابراهيم[/blink] ـــاص[/glow]

                          تعليق

                          • طلال الهريم
                            عضو جديد
                            • 7 - 10 - 2005
                            • 370

                            #14
                            شكرا لمرور الاخوة الاعزاء المحترمين المقدرين من القلب
                            [FRAME="11 70"]قد يُدرك المتأني بعضَ حاجتِه وقد يكونُ مع المستعجلِ الزلَلُ[/FRAME]

                            تعليق

                            يعمل...