تويت
(مرثيــــــه بشاعروصديــــــق)00
اعزائي الدنيا دار غرور وهي المضحكه والمبكيه وهناك شاعر وصديق لي عرفته منذو زمن طويل ولم اجد منه الا الوفاء والصدق وكان يتصف بالقوه والحزم وشديد عند المواقف الصعبه ومن صفاته قول الحق ولو على نفسه وفي مع اصحابه اذا وعد صدق 00 ترافقت معه فترات طويله ولي معه ذكريات ومواقف وفي احدى الايام سافر صاحبي من العلا الى مكه لآداء مناسك العمره وفي طريق العوده وافاه الاجل المحتوم في حادث أليم وقت حضرت له بالوهله الاولى وتكسر خاطري وصمت بعض الشي امام ابناءه الصغار اللذين احزنوني كثيرا ولكن لم يمهله الموت اكثر من خمس ساعات وانتقل الى رحمة الله سبحانه0 وصاحبي هو الشاعر والاخ فهد مناحي الجهنــــــــــي رحمه الله رحمه واسعه وادخله فسيح جناته وتجاوز عن سياته 00 ولصاحبي محل تجاري في حراج العلا وكل مامررت به اتذكره واذكر اقواله وصوته ومزحاته التي لاتغيب عن الذاكره وفي احدى الايام عبرت عن مشاعري في هذه الابيات البسيطه التى لاتفي صاحبي بحقه ولكن اسئل الله العلي العظيم ان يرحم صاحبي ويتجاوز عنه وان يخلف على اولاده خير ويجبر مصيبتهم وانا لله وانا اليه من الراجعون
00ساعه وانا محتار والـــــــف وادور= عشرين واحد مرني في مكاني
قالو علامك قلت ياناس مجبور= ذكرت لي صاحب فناء من زماني
ذكرت لي صاحب له ايام وشهور= اقفى عن المخلوق قاصي وداني
اقفى وعقب له نساوين وبزور= لاشفتهم فالموت كله غشاني
اليوم صار بداخل الارض مقبور= اقفى وصار اليوم في جو ثاني
وهلت دموعي واغتشت مشت الزور= من شي حطمني وحطم كياني
الادمي مخلوق من دم وشعور= واللي بقلبه يطلعه باللساني
والله واكبر كن ماصار له دور= ماكننا عشنا سوات الخواني
وماكننا عشنا لنا ايام ودهور= مرت وعدت كلها في ثواني
وماتقل سوى له محلات وقصور= وماتقل سولف مع فلان الفلاني
ولاتقل قهواهم على شعة النور= وماتقل عشاهم اجلالا اسماني
ياالله عسى قبره في الذكر معمور= ياحي ياقيوم يامستعاني
وياالله عسى قبره من الورد مبذور= ويشوف من قبره نعيم الجناني
ويالله عسى ذنبه مسامح ومغفور= ياعاليا شانك على كل شاني
والادمي لو عاش له يوم مقدور= ولافيه حي الا من العمر فاني
مهما يطول العمر له يوم مقصور= العمر يقصر مثل شهر ارمضاني
وكم واحدا بالوقت مبلي ومغرور= هو مادراء ان العمر ماله ضماني
عايش معيشه كلها ظلم مع زور= ويبني من الاحلام قصر الهواني
هو يحسبنه يملك جبال وبحور= ومايدري ان الموت قرب وحاني
والعبد في دنياه منهي ومامور= وماقدر المولى على العبد كاني[/POEM]
وسلامتكم مع دعواتكم لصاحبي
وقد يكونُ مع المستعجلِ الزلَلُ[/FRAME]
تعليق