ياناقل البارود

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياناقل البارود لاتذبح الذيب=ادخل على الله بالندب لاتروعه
لو انت يالرامي عطيب المضاريب=ارحم ضعيفاً شملته راس كوعه
احشرته الدنيا بروس المصاعيب=في راس لولاح عسيرًاطلوعه
يازين صوته في طويل المراقيب=وليا عوى لجت محاني ظلوعه
ورزقه على الله ما ملا البنك والجيب=عزيزنفس وراس ماله متوعه
والناس تذكر عامل الطيب بالطيب=وإلا الردي درب القصا من طبوعه
لاتامن الدنيا ترى غيبها غيب=اما رحلت السبت وإلا ربوعه
يقولها عوداً ولع راسه الشيب=عوداً دنى شوفه وثقلت سموعه
دنياك ماعمر بها نوح وشعيب=قبلان راحت به ومقبل تلوعه
يالله ياللي تسمع العبد وتجيب=تحلل المسلم وتقبل ركوعه[/POEM]