الـبلـدهـ !

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]خليل . . وصدر هالبلده يحن وينسكب موال=من أفواهـ الغلابا .. وللتُراب الجوووع يدعيهم
هنا .. طفرة بلادي ..والتعب .. والضيق .. والترحال=هنا ناس .. / وبقايا ناس / وناس الحزن ماليهم
عتبهم .. كسرة الخبزه إذا سولف فقير الحال=لهم فيني من جذور الشقى : حسره .... ولي فيهم :
وطن .. ورضٍ تهيجن للوجع لو مانتفض فنجال=بكف اللي إذا علل نفوس .. يجيب طاريهم
هنا من تحتهم غيمه .. ومن فوق الغيوم رجال=هنا الفاقه تذوووب بعز ذِكْر أخر أساميهم
وأنا واحد من عيال الفقارى والسهر يا خال=إذا يمضغ من جفوني ألوذ بحال ماضيهم :
هنا بلده.. / هنا بيت /.. وهنا أم وثمان أطفال=هنا عن زُخرف الدنيا .. مخابيهم .. تخبيهم
هنا كان الوفاء أقرب والأغرب .. حلمهم يختال=وإذا مدو له إيديهم ... بكاهم .. يضرب يديهم
هنا رأس اليتيم اللي مسح من كفهم أعمال=هنا من يرحموا حاله ... لعل الله يجزيهم
هنا ذاك المُسن اللي قضى عمره وهو دلال ..=يملك صوت من يملك .. ويغري عقل شاريهم
هنا ذيك العجوز اللي تحيك بصبرها كم شال ..=تنادي طفلها ينظم لها الإبره وتكسيهم
هنا .. كان الأمل قصة برود وزخرفة تمثال=هنا كان البلد أصغر من حكاية منافيهم !
هنا .. واللي هنا .. لو هو هنا يا صاحبي ينقال ..=تشوف .. إن الغلابا ما تموت إلا على يديهم ..![/poem]