مبـــــدأ نــــــدى

[POEM="font="Tahoma,5,white,bold,normal" bkcolor="transparent" bkimage="./images/backgrounds/10.gif" border="none,4,gray" type=2 line=0 align=center use=ex num="0,black""]اول كلامــــــي نرفع الشكر لله "=" الواحد اللي خالق العبد من طين
ونطلب عطاه ونطلب العفو ورضاه "=" وندعيه باسم أيات تسعه وتسعين
والثانيه سلام ..الاسلام مبــــــــداه "=" يهدا على اللي يفهمون العناوين
مبدا نــدى مني عسى الكل يقراه "=" ومميزه عن الخطى بالبراهين
ثم اتمنى اللي هوايه بلاماه "=" لو المنى ما يفيد حتى السلاطين
وجدي على مسك المقفص وجوداه "=" اللي يسليني اليا فز بــثنين
ابغى اتمشى فيه والعمر ملهاه "=" من قبل ما يصلوا علي المصلين
من مصنعه توه مورد لمشراه "=" ولاهي خسارة فيه مئة وعشرين
وختم تايوتا فوق الابواب بغــــــراه "=" ومسجل من دفعة السبع والفين
وطبلون صفر من اول الرقم وتلاه "=" وعداد انبيره ما حترك للتمارين
واذا بسط بالخط يا زين ممشاه "=" لموصفه يشدا لحر الشياهين
كن الزلال تدفعه من مقفاه "=" ولولا بريكه ما تماراه بالعين
لاشك وعـــزاه ماني بوياه "=" مالي مصادر غير قوت الوراعين
والدين ما حبه ولا احب طرياه "=" يصعب سداده باختلاف الموازين
واشكي على الله ثم ربوع مسماه "=" اللي لهم بالطيب صيت ودواوين
محمد الحماد ومثله وشرواه "=" واللي لهم فزعات ماضي وهالحين
وعلي زعل واللي بوصفه وحلياه "=" طيبه وذكره في سماع الملايين
وعلي ولد عواد بطيبه وممشاه "=" واذا عطى يمد بالكف والهين
ورويعي العياد فزعه لمن جاه "=" بالمال والتوجيه والمذهب الزين
والطيب ساس ويرفع الساس مبناه "=" ترث الجدود اللي يجودوا مقلين
وكلا يمد من الذي ربي اعطاه "=" وبالجود بالموجود ماهم بخيلين
والمعذره ياهل المواجيب والجاه"=" ولعلكم في كل عام سعيدين
من الزوين بافايح المسك مهداه "=" للطيبين اللي على الطيب ناوين
وتقصر عن اللي ما يهقويك منصاه "=" ومفتاح ماله في يدين الشياطين
واثني سلامي بأول القاف وأتلاه "=" وعنوانها يكفي عن الجيم والسين[/POEM]