قـــصــــيدة ســـوق الأسهــــم

[POEM="font="Simplified Arabic,5,darkred,bold,normal" bkcolor="transparent" bkimage="./images/backgrounds/.gif" border="groove,7,gray" type=2 line=0 align=center use=ex num="0,black""]سوق السهم
قالواتفضل قلت ابطلـع مـن السـوق=بعديـن ابدخـل داركـم ياجمـاعـة
سوق غدت للسلب والنهـب والبـوق=ماعـاد فيهـا للمكاسـب طمـاعـة
مع سوق الاسهم كانـت احلامنافـوق=واليـوم اخـاف انـا تجينامجـاعـة
واخاف عقب الجيب نركب على النوق=ونشوف كـل مااقتنـع فـي متاعـه
اللي بقى بالسوق ماهـوب مطفـوق=واللي طلـع مالـه رجـا بارتفاعـه
لاتحسبون السـوق قدشاقنـي شـوق=و الظاهر اني ماادخله ربـع ساعـة
هني من هـو مادخـل زحمةالسـوق=ببضاعـة ياشينهـا مـن بضـاعـة
ماهي على اليمة ولاهي على الـذوق=ايضا ولااحدن جالهـا عـن قناعـة
سوق مريض ماتخلص مـن العـوق=مابه عن امراض الجشاعـة مناعـة
بعضه مثل مـال المرابيـن ممحـوق=واشـوف خيـره مابـه الا لعاعـة
قالـوا قيـادي وازعجونابهالـبـوق=بوق يحذر عـن خشـاش وزراعـة
واليوم كـل السـوق مافيـه ملحـوق=جاك متنكـس مالقـى ادنـاة قاعـة
واناأسأل اللـي رازق كـل مـرزوق=يدعوه عبـد قـام بامـره واطاعـه
يرجوك وحدك مارجى ادناة مخلـوق=يااللي اصطفيت الهاشمـي للشفاعـة
توفق اللـي حايـر بامـر ذاالسـوق=وتعوض اللي طـاح سهمـه وباعـه[/POEM]