قصيده: انكسر في دروبــه من ورى ابـو بــــلـي

[POEM="font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
اعزائي جيتكم بقصيده تحمل شطر بيت يرمز لشي عزيز على كل بلوي عسى ان تنال اعجابكم واليكم القصيده
ياوجودي عليها وجد راعي بعير= انكسر في دروبه من ورى ابو بلي
انكسر فالمحل العالي المستدير=غير ذيب الخلا في راسها يعولي
انكسر في دروبه بالمكان الخطير=في مكانه ولايطلع ولاينزلي
راس عيطاء توميها الهبائب كثير=ايتجلد ودمعه مثل موح الدلي
غلق الماء عليه وعظم ساقه كسير=ارتكى الحظ الاقشر جعل ماهو حلي
لاخويا ولاطرقي ولاله مطير=قبلها ماتصور كسرت الارجلي
يوم يقعد يون ويوم ياقف يحير=عاث فيه الصواب المحزن المرسلي
ودها في فوادي مابقى له نظير=لامن الشافعيه لامن الحنبلي
غروتا عذبتني بالنهيد الصغير=يعنبوا حيها مامثلها جاز لي
عنق ريما ليا هب الهوى تستذير=كل ماهب نسناس الهوى تجفلي
عذبتني وجابتني ترى من الاخير=ساعه القلب يقفي ساعتا يقبلي
بس اطالع سوات الجندي اللي خفير=مبتلي ياالله انك ترحم المبتلي
الليالي تراها شرها مستطير=ماصفت للملوك امتوجين الحلي
خير ماعاد فيها للمحبين خير=دمعتا فالبلاد ودمعتا تصتلي
لوصفت يوم والا ضحي والا عصير=الضحيه جمل والا تراها طلي
ياسفير المحبه وش بقى ياسفير=رحت ماقلت لك وجيت ماقلت لي
روح الصبر عندي مابقى الا الليسير=الجهازات لو ترسل ماتستقبلي
وسلامـــــــــــــــــــــــــــــــــــتكم
[/POEM]