كلام الحريم بعد مايطلعون من العرس ................ بلاوي

بصراحة هذا الموضوع قرأته بأحد المنتديات وعجبني و حبيت تستمتعون فيه
كلام حريم بعد العرس
كلام الحريم بعد ما يطلعوا من الفرح
اركبوا السياره وكل وحده تنتبه لا تصك باب السياره على عبايتها وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء بعد كل زواج0
الأولى : ايش فيك تأخرتي؟
الثانيه : ساعه قاعده ادور على عباتي 00انتي ما شفتي الحريم يتضاربون عند العبايات العبايات تلخبطت
الثالثه : يا ليتنا ما رحنا زواجهم
ليش؟
الثالثه : زحمه والبزران يتضاربون بقشر البرتقال ويلعبون بالمويه
الأولى : ما شفتي ذيك اللي كبت القهوه على الحرمه اللي كانت نايمه؟
الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة بنتي مها
الثانيه : ايش رايكم في الفستان اللي لابسته خلود؟
الأولى : مو حلو 00محنقط عليها والسحاب باين
الأولى: انا اعجبني مكياج أمل 00تقول ان زوجة خالها جابته لها هدية من باريس
الثالثه : هههههه من باريس تضحك عليك يا هبلا 00تلقينه من محلات ابو خمسة
وقــــــــــفه...... فاصل اعلاني ..الجوالات ادهرت شوي
الغريب والعجيب انهم واثناء حديثهم في السياره يقولون لبعضهم 00خلاص يا بنات بس ترى ما يجوز نتكلم على الناس0
تكــــــــــــــــــــــــمله
الثانيه : صح والله كلامك يا اختي ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟
الأولى : ايوه شفتها 00هههههههه متوصيه فيك 00شكلها بتخطبك لولدها
الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل وهي طايحه في لحم الزين0
العشاء
ايش رايكم في العشاء
الثالثه : دسم وكله شحم
الأولى : بارد
الثانيه :اللحم كبار
الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم
الأولى : حتى ام العروسه 00ما تعشت مسكينه 00طول الوقت قاعده تبكي
الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس
بس 00خلاص 00ما يجوز 00 صح والله ما يجوز بس شفتي وشفتي 00وشفتي
واخيرا وصلنا المنزل
0 0شوفو لي حبتين باندول اكسترا

مع تحيات اخوكم عادل الهرفي